1 Corinthians · 5
Verses
⋯
Omnino auditur inter vos fornicatio, et talis fornicatio, qualis nec inter gentes, ita ut uxorem patris sui aliquis habeat.
This passage has not yet been translated.
Et vos inflati estis : et non magis luctum habuistis ut tollatur de medio vestrum qui hoc opus fecit.
This passage has not yet been translated.
Ego quidem absens corpore, præsens autem spiritu, jam judicavi ut præsens eum, qui sic operatus est,
This passage has not yet been translated.
in nomine Domini nostri Jesu Christi, congregatis vobis et meo spiritu, cum virtute Domini nostri Jesu,
This passage has not yet been translated.
tradere hujusmodi Satanæ in interitum carnis, ut spiritus salvus sit in die Domini nostri Jesu Christi.
This passage has not yet been translated.
Non est bona gloriatio vestra. Nescitis quia modicum fermentum totam massam corrumpit ?
This passage has not yet been translated.
Expurgate vetus fermentum, ut sitis nova conspersio, sicut estis azymi. Etenim Pascha nostrum immolatus est Christus.
This passage has not yet been translated.
Itaque epulemur : non in fermento veteri, neque in fermento malitiæ et nequitiæ : sed in azymis sinceritatis et veritatis.
This passage has not yet been translated.
Scripsi vobis in epistola : Ne commisceamini fornicariis :
This passage has not yet been translated.
non utique fornicariis hujus mundi, aut avaris, aut rapacibus, aut idolis servientibus : alioquin debueratis de hoc mundo exiisse.
This passage has not yet been translated.
Nunc autem scripsi vobis non commisceri : si is qui frater nominatur, est fornicator, aut avarus, aut idolis serviens, aut maledicus, aut ebriosus, aut rapax, cum ejusmodi nec cibum sumere.
This passage has not yet been translated.
Quid enim mihi de iis qui foris sunt, judicare ? nonne de iis qui intus sunt, vos judicatis ?
This passage has not yet been translated.
nam eos qui foris sunt, Deus judicabit. Auferte malum ex vobis ipsis.
This passage has not yet been translated.