2 Maccabees · 11
Verses
⋯
Sed parvo post tempore, Lysias procurator regis et propinquus, ac negotiorum præpositus, graviter ferens de his quæ acciderant,
This passage has not yet been translated.
congregatis octoginta millibus, et equitatu universo, veniebat adversus Judæos, existimans se civitatem quidem captam gentibus habitaculum facturum,
This passage has not yet been translated.
templum vero in pecuniæ quæstum, sicut cetera delubra gentium, habiturum, et per singulos annos venale sacerdotium :
This passage has not yet been translated.
nusquam recogitans Dei potestatem, sed mente effrenatus in multitudine peditum, et in millibus equitum, et in octoginta elephantis confidebat.
This passage has not yet been translated.
Ingressus autem Judæam, et appropians Bethsuræ, quæ erat in angusto loco, ab Jerosolyma intervallo quinque stadiorum, illud præsidium expugnabat.
This passage has not yet been translated.
Ut autem Machabæus et qui cum eo erant cognoverunt expugnari præsidia, cum fletu et lacrimis rogabant Dominum, et omnis turba simul, ut bonum angelum mitteret ad salutem Israël.
This passage has not yet been translated.
Et ipse primus Machabæus, sumptis armis, ceteros adhortatus est simul secum periculum subire, et ferre auxilium fratribus suis.
This passage has not yet been translated.
Cumque pariter prompto animo procederent, Jerosolymis apparuit præcedens eos eques in veste candida, armis aureis hastam vibrans.
This passage has not yet been translated.
Tunc omnes simul benedixerunt misericordem Dominum, et convaluerunt animis : non solum homines, sed et bestias ferocissimas, et muros ferreos parati penetrare.
This passage has not yet been translated.
Ibant igitur prompti, de cælo habentes adjutorem et miserantem super eos Dominum.
This passage has not yet been translated.
Leonum autem more impetu irruentes in hostes, prostraverunt ex eis undecim millia peditum, et equitum mille sexcentos :
This passage has not yet been translated.
universos autem in fugam verterunt, plures autem ex eis vulnerati nudi evaserunt. Sed et ipse Lysias turpiter fugiens evasit.
This passage has not yet been translated.
Et quia non insensatus erat, secum ipse reputans factam erga se diminutionem, et intelligens invictos esse Hebræos, omnipotentis Dei auxilio innitentes, misit ad eos :
This passage has not yet been translated.
promisitque se consensurum omnibus quæ justa sunt, et regem compulsurum amicum fieri.
This passage has not yet been translated.
Annuit autem Machabæus precibus Lysiæ, in omnibus utilitati consulens : et quæcumque Machabæus scripsit Lysiæ de Judæis, ea rex concessit.
This passage has not yet been translated.
Nam erant scriptæ Judæis epistolæ a Lysia quidem hunc modum continentes : Lysias populo Judæorum salutem.
This passage has not yet been translated.
Joannes et Abesalom, qui missi fuerant a vobis, tradentes scripta, postulabant ut ea quæ per illos significabantur, implerem.
This passage has not yet been translated.
Quæcumque igitur regi potuerunt perferri, exposui : et quæ res permittebat, concessit.
This passage has not yet been translated.
Si igitur in negotiis fidem conservaveritis, et deinceps bonorum vobis causa esset, tentabo.
This passage has not yet been translated.
De ceteris autem per singula verbo mandavi et istis, et his, qui a me missi sunt, colloqui vobiscum.
This passage has not yet been translated.
Bene valete. Anno centesimo, quadragesimo octavo mensis Dioscori, die vigesima et quarta.
This passage has not yet been translated.
Regis autem epistola ista continebat : Rex Antiochus Lysiæ fratri salutem.
This passage has not yet been translated.
Patre nostro inter deos translato, nos volentes eos qui sunt in regno nostro sine tumultu agere, et rebus suis adhibere diligentiam,
This passage has not yet been translated.
audivimus Judæos non consensisse patri meo ut transferrentur ad ritum Græcorum, sed tenere velle suum institutum, ac propterea postulare a nobis concedi sibi legitima sua.
This passage has not yet been translated.
Volentes igitur hanc quoque gentem quietam esse, statuentes judicavimus templum restitui illis, ut agerent secundum suorum majorum consuetudinem.
This passage has not yet been translated.
Bene igitur feceris, si miseris ad eos et dexteram dederis : ut cognita nostra voluntate, bono animo sint, et utilitatibus propriis deserviant.
This passage has not yet been translated.
Ad Judæos vero regis epistola talis erat : Rex Antiochus senatui Judæorum, et ceteris Judæis salutem.
This passage has not yet been translated.
Si valetis, sic estis ut volumus : sed et ipsi bene valemus.
This passage has not yet been translated.
Adiit nos Menelaus, dicens velle vos descendere ad vestros, qui sunt apud nos.
This passage has not yet been translated.
His igitur qui commeant usque ad diem trigesimum mensis Xanthici, damus dextras securitatis,
This passage has not yet been translated.
ut Judæi utantur cibis et legibus suis, sicut et prius : et nemo eorum ullo modo molestiam patiatur de his quæ per ignorantiam gesta sunt.
This passage has not yet been translated.
Misimus autem et Menelaum, qui vos alloquatur.
This passage has not yet been translated.
Valete. Anno centesimo quadragesimo octavo, Xanthici mensis quintadecima die.
This passage has not yet been translated.
Miserunt autem etiam Romani epistolam, ita se habentem : Quintus Memmius et Titus Manilius legati Romanorum, populo Judæorum salutem.
This passage has not yet been translated.
De his quæ Lysias cognatus regis concessit vobis, et nos concessimus.
This passage has not yet been translated.
De quibus autem ad regem judicavit referendum, confestim aliquem mittere, diligentius inter vos conferentes, ut decernamus, sicut congruit vobis : nos enim Antiochiam accedimus.
This passage has not yet been translated.
Ideoque festinate rescribere, ut nos quoque sciamus cujus estis voluntatis.
This passage has not yet been translated.
Bene valete. Anno centesimo quadragesimo octavo, quintadecima die mensis Xanthici.
This passage has not yet been translated.