2 Maccabees · 7
Verses
⋯
Contigit autem et septem fratres una cum matre sua apprehensos compelli a rege edere contra fas carnes porcinas, flagris et taureis cruciatos.
This passage has not yet been translated.
Unus autem ex illis, qui erat primus, sic ait : Quid quæris, et quid vis discere a nobis ? parati sumus mori, magis quam patrias Dei leges prævaricari.
This passage has not yet been translated.
Iratus itaque rex, jussit sartagines et ollas æneas succendi : quibus statim succensis,
This passage has not yet been translated.
jussit ei qui prior fuerat locutus amputari linguam, et cute capitis abstracta, summas quoque manus et pedes ei præscindi, ceteris ejus fratribus et matre inspicientibus.
This passage has not yet been translated.
Et cum jam per omnia inutilis factus esset, jussit ignem admoveri, et adhuc spirantem torreri in sartagine : in qua cum diu cruciaretur, ceteri una cum matre invicem se hortabantur mori fortiter,
This passage has not yet been translated.
dicentes : Dominus Deus aspiciet veritatem, et consolabitur in nobis, quemadmodum in protestatione cantici declaravit Moyses : Et in servis suis consolabitur.
This passage has not yet been translated.
Mortuo itaque illo primo hoc modo, sequentem deducebant ad illudendum : et cute capitis ejus cum capillis abstracta, interrogabant si manducaret, priusquam toto corpore per membra singula puniretur.
This passage has not yet been translated.
At ille respondens patria voce, dixit : Non faciam. Propter quod et iste, sequenti loco, primi tormenta suscepit :
This passage has not yet been translated.
et in ultimo spiritu constitutus, sic ait : Tu quidem scelestissime in præsenti vita nos perdis : sed Rex mundi defunctos nos pro suis legibus in æternæ vitæ resurrectione suscitabit.
This passage has not yet been translated.
Post hunc tertius illuditur, et linguam postulatus cito protulit, et manus constanter extendit :
This passage has not yet been translated.
et cum fiducia ait : E cælo ista possideo, sed propter Dei leges nunc hæc ipsa despicio, quoniam ab ipso me ea recepturum spero :
This passage has not yet been translated.
ita ut rex, et qui cum ipso erant, mirarentur adolescentis animum, quod tamquam nihilum duceret cruciatus.
This passage has not yet been translated.
Et hoc ita defuncto, quartum vexabant similiter torquentes.
This passage has not yet been translated.
Et cum jam esset ad mortem, sic ait : Potius est ab hominibus morti datos spem exspectare a Deo, iterum ab ipso resuscitandos : tibi enim resurrectio ad vitam non erit.
This passage has not yet been translated.
Et cum admovissent quintum, vexabant eum. At ille respiciens in eum,
This passage has not yet been translated.
dixit : Potestatem inter homines habens, cum sis corruptibilis, facis quod vis : noli autem putare genus nostrum a Deo esse derelictum :
This passage has not yet been translated.
tu autem patienter sustine, et videbis magnam potestatem ipsius, qualiter te et semen tuum torquebit.
This passage has not yet been translated.
Post hunc ducebant sextum, et is, mori incipiens, sic ait : Noli frustra errare : nos enim propter nosmetipsos hæc patimur, peccantes in Deum nostrum, et digna admiratione facta sunt in nobis :
This passage has not yet been translated.
tu autem ne existimes tibi impune futurum, quod contra Deum pugnare tentaveris.
This passage has not yet been translated.
Supra modum autem mater mirabilis, et bonorum memoria digna, quæ pereuntes septem filios sub unius diei tempore conspiciens, bono animo ferebat propter spem quam in Deum habebat :
This passage has not yet been translated.
singulos illorum hortabatur voce patria fortiter, repleta sapientia : et, femineæ cogitationi masculinum animum inserens,
This passage has not yet been translated.
dixit ad eos : Nescio qualiter in utero meo apparuistis, neque enim ego spiritum et animam donavi vobis et vitam, et singulorum membra non ego ipsa compegi :
This passage has not yet been translated.
sed enim mundi Creator, qui formavit hominis nativitatem, quique omnium invenit originem, et spiritum vobis iterum cum misericordia reddet et vitam, sicut nunc vosmetipsos despicitis propter leges ejus.
This passage has not yet been translated.
Antiochus autem, contemni se arbitratus, simul et exprobrantis voce despecta, cum adhuc adolescentior superesset, non solum verbis hortabatur, sed et cum juramento affirmabat se divitem et beatum facturum, et translatum a patriis legibus amicum habiturum, et res necessarias ei præbiturum.
This passage has not yet been translated.
Sed ad hæc cum adolescens nequaquam inclinaretur, vocavit rex matrem, et suadebat ei ut adolescenti fieret in salutem.
This passage has not yet been translated.
Cum autem multis eam verbis esset hortatus, promisit suasurum se filio suo.
This passage has not yet been translated.
Itaque inclinata ad illum, irridens crudelem tyrannum, ait patria voce : Fili mi, miserere mei, quæ te in utero novem mensibus portavi, et lac triennio dedi et alui, et in ætatem istam perduxi.
This passage has not yet been translated.
Peto, nate, ut aspicias ad cælum et terram, et ad omnia quæ in eis sunt, et intelligas quia ex nihilo fecit illa Deus, et hominum genus :
This passage has not yet been translated.
ita fiet, ut non timeas carnificem istum, sed dignus fratribus tuis effectus particeps, suscipe mortem, ut in illa miseratione cum fratribus tuis te recipiam.
This passage has not yet been translated.
Cum hæc illa adhuc diceret, ait adolescens : Quem sustinetis ? non obedio præcepto regis, sed præcepto legis, quæ data est nobis per Moysen.
This passage has not yet been translated.
Tu vero, qui inventor omnis malitiæ factus es in Hebræos, non effugies manum Dei.
This passage has not yet been translated.
Nos enim pro peccatis nostris hæc patimur.
This passage has not yet been translated.
Et si nobis propter increpationem et correptionem Dominus Deus noster modicum iratus est : sed iterum reconciliabitur servis suis.
This passage has not yet been translated.
Tu autem, o sceleste, et omnium hominum flagitiosissime, noli frustra extolli vanis spebus in servos ejus inflammatus :
This passage has not yet been translated.
nondum enim omnipotentis Dei, et omnia inspicientis, judicium effugisti.
This passage has not yet been translated.
Nam fratres mei, modico nunc dolore sustentato, sub testamento æternæ vitæ effecti sunt : tu vero judicio Dei justas superbiæ tuæ pœnas exsolves.
This passage has not yet been translated.
Ego autem, sicut fratres mei, animam et corpus meum trado pro patriis legibus, invocans Deum maturius genti nostræ propitium fieri, teque cum tormentis et verberibus confiteri quod ipse est Deus solus.
This passage has not yet been translated.
In me vero et in fratribus meis desinet Omnipotentis ira, quæ super omne genus nostrum juste superducta est.
This passage has not yet been translated.
Tunc rex accensus ira in hunc, super omnes crudelius desævit, indigne ferens se derisum.
This passage has not yet been translated.
Et hic itaque mundus obiit, per omnia in Domino confidens.
This passage has not yet been translated.
Novissime autem post filios, et mater consumpta est.
This passage has not yet been translated.
Igitur de sacrificiis et de nimiis crudelitatibus satis dictum est.
This passage has not yet been translated.