Acts · 20
Verses
⋯
Postquam autem cessavit tumultus, vocatis Paulus discipulis, et exhortatus eos, valedixit, et profectus est ut iret in Macedoniam.
This passage has not yet been translated.
Cum autem perambulasset partes illas, et exhortatus eos fuisset multo sermone, venit ad Græciam :
This passage has not yet been translated.
ubi cum fecisset menses tres, factæ sunt illi insidiæ a Judæis navigaturo in Syriam : habuitque consilium ut reverteretur per Macedoniam.
This passage has not yet been translated.
Comitatus est autem eum Sopater Pyrrhi Berœensis, Thessalonicensium vero Aristarchus, et Secundus, et Gajus Derbeus, et Timotheus : Asiani vero Tychicus et Trophimus.
This passage has not yet been translated.
Hi cum præcessissent, sustinuerunt nos Troade :
This passage has not yet been translated.
nos vero navigavimus post dies azymorum a Philippis, et venimus ad eos Troadem in diebus quinque, ubi demorati sumus diebus septem.
This passage has not yet been translated.
Una autem sabbati cum convenissemus ad frangendum panem, Paulus disputabat cum eis profecturus in crastinum, protraxitque sermonem usque in mediam noctem.
This passage has not yet been translated.
Erant autem lampades copiosæ in cœnaculo, ubi eramus congregati.
This passage has not yet been translated.
Sedens autem quidam adolescens nomine Eutychus super fenestram, cum mergeretur somno gravi, disputante diu Paulo, ductus somno cecidit de tertio cœnaculo deorsum, et sublatus est mortuus.
This passage has not yet been translated.
Ad quem cum descendisset Paulus, incubuit super eum : et complexus dixit : Nolite turbari, anima enim ipsius in ipso est.
This passage has not yet been translated.
Ascendens autem, frangensque panem, et gustans, satisque allocutus usque in lucem, sic profectus est.
This passage has not yet been translated.
Adduxerunt autem puerum viventem, et consolati sunt non minime.
This passage has not yet been translated.
Nos autem ascendentes navem, navigavimus in Asson, inde suscepturi Paulum : sic enim disposuerat ipse per terram iter facturus.
This passage has not yet been translated.
Cum autem convenisset nos in Asson, assumpto eo, venimus Mitylenen.
This passage has not yet been translated.
Et inde navigantes, sequenti die venimus contra Chium, et alia applicuimus Samum, et sequenti die venimus Miletum.
This passage has not yet been translated.
Proposuerat enim Paulus transnavigare Ephesum, ne qua mora illi fieret in Asia. Festinabat enim, si possibile sibi esset, ut diem Pentecostes faceret Jerosolymis.
This passage has not yet been translated.
A Mileto autem mittens Ephesum, vocavit majores natu ecclesiæ.
This passage has not yet been translated.
Qui cum venissent ad eum, et simul essent, dixit eis : Vos scitis a prima die qua ingressus sum in Asiam, qualiter vobiscum per omne tempus fuerim,
This passage has not yet been translated.
serviens Domino cum omni humilitate, et lacrimis, et tentationibus, quæ mihi acciderunt ex insidiis Judæorum :
This passage has not yet been translated.
quomodo nihil subtraxerim utilium, quominus annuntiarem vobis et docerem vos, publice et per domos,
This passage has not yet been translated.
testificans Judæis atque gentilibus in Deum pœnitentiam, et fidem in Dominum nostrum Jesum Christum.
This passage has not yet been translated.
Et nunc ecce alligatus ego spiritu, vado in Jerusalem : quæ in ea ventura sint mihi, ignorans :
This passage has not yet been translated.
nisi quod Spiritus Sanctus per omnes civitates mihi protestatur, dicens quoniam vincula et tribulationes Jerosolymis me manent.
This passage has not yet been translated.
Sed nihil horum vereor : nec facio animam meam pretiosiorem quam me, dummodo consummem cursum meum, et ministerium verbi quod accepi a Domino Jesu, testificari Evangelium gratiæ Dei.
This passage has not yet been translated.
Et nunc ecce ego scio quia amplius non videbitis faciem meam vos omnes, per quos transivi prædicans regnum Dei.
This passage has not yet been translated.
Quapropter contestor vos hodierna die, quia mundus sum a sanguine omnium.
This passage has not yet been translated.
Non enim subterfugi, quominus annuntiarem omne consilium Dei vobis.
This passage has not yet been translated.
Attendite vobis, et universo gregi, in quo vos Spiritus Sanctus posuit episcopos regere ecclesiam Dei, quam acquisivit sanguine suo.
This passage has not yet been translated.
Ego scio quoniam intrabunt post discessionem meam lupi rapaces in vos, non parcentes gregi.
This passage has not yet been translated.
Et ex vobisipsis exsurgent viri loquentes perversa, ut abducant discipulos post se.
This passage has not yet been translated.
Propter quod vigilate, memoria retinentes quoniam per triennium nocte et die non cessavi, cum lacrimis monens unumquemque vestrum.
This passage has not yet been translated.
Et nunc commendo vos Deo, et verbo gratiæ ipsius, qui potens est ædificare, et dare hæreditatem in sanctificatis omnibus.
This passage has not yet been translated.
Argentum, et aurum, aut vestem nullius concupivi, sicut
This passage has not yet been translated.
ipsi scitis : quoniam ad ea quæ mihi opus erant, et his qui mecum sunt, ministraverunt manus istæ.
This passage has not yet been translated.
Omnia ostendi vobis, quoniam sic laborantes, oportet suscipere infirmos ac meminisse verbi Domini Jesu : quoniam ipse dixit : Beatius est magis dare, quam accipere.
This passage has not yet been translated.
Et cum hæc dixisset, positis genibus suis oravit cum omnibus illis.
This passage has not yet been translated.
Magnus autem fletus factus est omnium : et procumbentes super collum Pauli, osculabantur eum,
This passage has not yet been translated.
dolentes maxime in verbo quod dixerat, quoniam amplius faciem ejus non essent visuri. Et deducebant eum ad navem.
This passage has not yet been translated.