Daniel · 3
Verses
⋯
Nabuchodonosor rex fecit statuam auream, altitudine cubitorum sexaginta, latitudine cubitorum sex, et statuit eam in campo Dura, provinciæ Babylonis.
This passage has not yet been translated.
Itaque Nabuchodonosor rex misit ad congregandos satrapas, magistratus, et judices, duces, et tyrannos, et præfectos, omnesque principes regionum, ut convenirent ad dedicationem statuæ quam erexerat Nabuchodonosor rex.
This passage has not yet been translated.
Tunc congregati sunt satrapæ, magistratus, et judices, duces, et tyranni, et optimates, qui erant in potestatibus constituti, et universi principes regionum, ut convenirent ad dedicationem statuæ, quam erexerat Nabuchodonosor rex. Stabant autem in conspectu statuæ, quam posuerat Nabuchodonosor rex :
This passage has not yet been translated.
et præco clamabat valenter : Vobis dicitur populis, tribubus, et linguis :
This passage has not yet been translated.
in hora qua audieritis sonitum tubæ, et fistulæ, et citharæ, sambucæ, et psalterii, et symphoniæ, et universi generis musicorum, cadentes adorate statuam auream, quam constituit Nabuchodonosor rex.
This passage has not yet been translated.
Si quis autem non prostratus adoraverit, eadem hora mittetur in fornacem ignis ardentis.
This passage has not yet been translated.
Post hæc igitur, statim ut audierunt omnes populi sonitum tubæ, fistulæ, et citharæ, sambucæ, et psalterii, et symphoniæ, et omnis generis musicorum, cadentes omnes populi, tribus, et linguæ adoraverunt statuam auream, quam constituerat Nabuchodonosor rex.
This passage has not yet been translated.
Statimque in ipso tempore accedentes viri Chaldæi accusaverunt Judæos :
This passage has not yet been translated.
dixeruntque Nabuchodonosor regi : Rex, in æternum vive !
This passage has not yet been translated.
tu, rex, posuisti decretum, ut omnis homo, qui audierit sonitum tubæ, fistulæ, et citharæ, sambucæ, et psalterii, et symphoniæ, et universi generis musicorum, prosternat se, et adoret statuam auream :
This passage has not yet been translated.
si quis autem non procidens adoraverit, mittatur in fornacem ignis ardentis.
This passage has not yet been translated.
Sunt ergo viri Judæi, quos constituisti super opera regionis Babylonis, Sidrach, Misach, et Abdenago : viri isti contempserunt, rex, decretum tuum : deos tuos non colunt, et statuam auream, quam erexisti, non adorant.
This passage has not yet been translated.
Tunc Nabuchodonosor, in furore et in ira, præcepit ut adducerentur Sidrach, Misach, et Abdenago : qui confestim adducti sunt in conspectu regis.
This passage has not yet been translated.
Pronuntiansque Nabuchodonosor rex, ait eis : Verene Sidrach, Misach, et Abdenago, deos meos non colitis, et statuam auream, quam constitui, non adoratis ?
This passage has not yet been translated.
nunc ergo si estis parati, quacumque hora audieritis sonitum tubæ, fistulæ, citharæ, sambucæ, et psalterii, et symphoniæ, omnisque generis musicorum, prosternite vos, et adorate statuam, quam feci : quod si non adoraveritis, eadem hora mittemini in fornacem ignis ardentis : et quis est Deus, qui eripiet vos de manu mea ?
This passage has not yet been translated.
Respondentes Sidrach, Misach, et Abdenago, dixerunt regi Nabuchodonosor : Non oportet nos de hac re respondere tibi.
This passage has not yet been translated.
Ecce enim Deus noster, quem colimus, potest eripere nos de camino ignis ardentis, et de manibus tuis, o rex, liberare.
This passage has not yet been translated.
Quod si noluerit, notum sit tibi, rex, quia deos tuos non colimus, et statuam auream, quam erexisti, non adoramus.
This passage has not yet been translated.
Tunc Nabuchodonosor repletus est furore, et aspectus faciei illius immutatus est super Sidrach, Misach, et Abdenago : et præcepit ut succenderetur fornax septuplum quam succendi consueverat.
This passage has not yet been translated.
Et viris fortissimis de exercitu suo jussit ut ligatis pedibus Sidrach, Misach, et Abdenago, mitterent eos in fornacem ignis ardentis.
This passage has not yet been translated.
Et confestim viri illi vincti, cum braccis suis, et tiaris, et calceamentis, et vestibus, missi sunt in medium fornacis ignis ardentis :
This passage has not yet been translated.
nam jussio regis urgebat. Fornax autem succensa erat nimis : porro viros illos, qui miserant Sidrach, Misach, et Abdenago, interfecit flamma ignis.
This passage has not yet been translated.
Viri autem hi tres, id est, Sidrach, Misach, et Abdenago, ceciderunt in medio camino ignis ardentis, colligati.
This passage has not yet been translated.
Et ambulabant in medio flammæ, laudantes Deum, et benedicentes Domino.
This passage has not yet been translated.
Stans autem Azarias oravit sic, aperiensque os suum in medio ignis, ait :
This passage has not yet been translated.
Benedictus es, Domine Deus patrum nostrorum, et laudabile, et gloriosum nomen tuum in sæcula :
This passage has not yet been translated.
quia justus es in omnibus, quæ fecisti nobis, et universa opera tua vera, et viæ tuæ rectæ, et omnia judicia tua vera.
This passage has not yet been translated.
Judicia enim vera fecisti juxta omnia, quæ induxisti super nos, et super civitatem sanctam patrum nostrorum Jerusalem : quia in veritate et in judicio induxisti omnia hæc propter peccata nostra.
This passage has not yet been translated.
Peccavimus enim, et inique egimus recedentes a te, et deliquimus in omnibus :
This passage has not yet been translated.
et præcepta tua non audivimus, nec observavimus, nec fecimus sicut præceperas nobis ut bene nobis esset.
This passage has not yet been translated.
Omnia ergo, quæ induxisti super nos, et universa quæ fecisti nobis, in vero judicio fecisti ;
This passage has not yet been translated.
et tradidisti nos in manibus inimicorum nostrorum iniquorum, et pessimorum, prævaricatorumque, et regi injusto, et pessimo ultra omnem terram.
This passage has not yet been translated.
Et nunc non possumus aperire os : confusio, et opprobrium facti sumus servis tuis, et his qui colunt te.
This passage has not yet been translated.
Ne, quæsumus, tradas nos in perpetuum propter nomen tuum, et ne dissipes testamentum tuum :
This passage has not yet been translated.
neque auferas misericordiam tuam a nobis, propter Abraham, dilectum tuum, et Isaac, servum tuum, et Israël, sanctum tuum,
This passage has not yet been translated.
quibus locutus es pollicens quod multiplicares semen eorum sicut stellas cæli, et sicut arenam quæ est in littore maris ;
This passage has not yet been translated.
quia, Domine, imminuti sumus plus quam omnes gentes, sumusque humiles in universa terra hodie propter peccata nostra.
This passage has not yet been translated.
Et non est in tempore hoc princeps, et dux, et propheta, neque holocaustum, neque sacrificium, neque oblatio, neque incensum, neque locus primitiarum coram te,
This passage has not yet been translated.
ut possimus invenire misericordiam tuam, sed in animo contrito, et spiritu humilitatis suscipiamur.
This passage has not yet been translated.
Sicut in holocausto arietum, et taurorum, et sicut in millibus agnorum pinguium, sic fiat sacrificium nostrum in conspectu tuo hodie, ut placeat tibi, quoniam non est confusio confidentibus in te.
This passage has not yet been translated.
Et nunc sequimur te in toto corde ; et timemus te, et quærimus faciem tuam.
This passage has not yet been translated.
Nec confundas nos, sed fac nobiscum juxta mansuetudinem tuam, et secundum multitudinem misericordiæ tuæ.
This passage has not yet been translated.
Et erue nos in mirabilibus tuis, et da gloriam nomini tuo, Domine ;
This passage has not yet been translated.
et confundantur omnes qui ostendunt servis tuis mala : confundantur in omni potentia tua, et robur eorum conteratur :
This passage has not yet been translated.
et sciant quia tu es Dominus Deus solus, et gloriosus super orbem terrarum.
This passage has not yet been translated.
Et non cessabant qui miserant eos ministri regis succendere fornacem, naphtha, et stuppa, et pice, et malleolis,
This passage has not yet been translated.
et effundebatur flamma super fornacem cubitis quadraginta novem :
This passage has not yet been translated.
et erupit, et incendit quos reperit juxta fornacem de Chaldæis.
This passage has not yet been translated.
Angelus autem Domini descendit cum Azaria, et sociis ejus in fornacem : et excussit flammam ignis de fornace,
This passage has not yet been translated.
et fecit medium fornacis quasi ventum roris flantem, et non tetigit eos omnino ignis, neque contristavit, nec quidquam molestiæ intulit.
This passage has not yet been translated.
Tunc hi tres quasi ex uno ore laudabant, et glorificabant, et benedicebant Deum in fornace, dicentes :
This passage has not yet been translated.
Benedictus es, Domine Deus patrum nostrorum : et laudabilis, et gloriosus, et superexaltatus in sæcula. Et benedictum nomen gloriæ tuæ sanctum : et laudabile, et superexaltatum in omnibus sæculis.
This passage has not yet been translated.
Benedictus es in templo sancto gloriæ tuæ : et superlaudabilis, et supergloriosus in sæcula.
This passage has not yet been translated.
Benedictus es in throno regni tui : et superlaudabilis, et superexaltatus in sæcula.
This passage has not yet been translated.
Benedictus es, qui intueris abyssos, et sedes super cherubim : et laudabilis, et superexaltatus in sæcula.
This passage has not yet been translated.
Benedictus es in firmamento cæli : et laudabilis et gloriosus in sæcula.
This passage has not yet been translated.
Benedicite, omnia opera Domini, Domino : laudate et superexaltate eum in sæcula.
This passage has not yet been translated.
Benedicite, angeli Domini, Domino : laudate et superexaltate eum in sæcula.
This passage has not yet been translated.
Benedicite, cæli, Domino : laudate et superexaltate eum in sæcula.
This passage has not yet been translated.
Benedicite, aquæ omnes, quæ super cælos sunt, Domino : laudate et superexaltate eum in sæcula.
This passage has not yet been translated.
Benedicite, omnes virtutes Domini, Domino : laudate et superexaltate eum in sæcula.
This passage has not yet been translated.
Benedicite, sol et luna, Domino : laudate et superexaltate eum in sæcula.
This passage has not yet been translated.
Benedicite, stellæ cæli, Domino : laudate et superexaltate eum in sæcula.
This passage has not yet been translated.
Benedicite, omnis imber et ros, Domino : laudate et superexaltate eum in sæcula.
This passage has not yet been translated.
Benedicite, omnes spiritus Dei, Domino : laudate et superexaltate eum in sæcula.
This passage has not yet been translated.
Benedicite, ignis et æstus, Domino : laudate et superexaltate eum in sæcula.
This passage has not yet been translated.
Benedicite, frigus et æstus, Domino : laudate et superexaltate eum in sæcula.
This passage has not yet been translated.
Benedicite, rores et pruina, Domino : laudate et superexaltate eum in sæcula.
This passage has not yet been translated.
Benedicite, gelu et frigus, Domino : laudate et superexaltate eum in sæcula.
This passage has not yet been translated.
Benedicite, glacies et nives, Domino : laudate et superexaltate eum in sæcula.
This passage has not yet been translated.
Benedicite, noctes et dies, Domino laudate et superexaltate eum in sæcula.
This passage has not yet been translated.
Benedicite, lux et tenebræ, Domino : laudate et superexaltate eum in sæcula.
This passage has not yet been translated.
Benedicite, fulgura et nubes, Domino : laudate et superexaltate eum in sæcula.
This passage has not yet been translated.
Benedicat terra Dominum : laudet et superexaltet eum in sæcula.
This passage has not yet been translated.
Benedicite, montes et colles, Domino : laudate et superexaltate eum in sæcula.
This passage has not yet been translated.
Benedicite, universa germinantia in terra, Domino : laudate et superexaltate eum in sæcula.
This passage has not yet been translated.
Benedicite, fontes, Domino : laudate et superexaltate eum in sæcula.
This passage has not yet been translated.
Benedicite, maria et flumina, Domino : laudate et superexaltate eum in sæcula.
This passage has not yet been translated.
Benedicite, cete, et omnia quæ moventur in aquis, Domino : laudate et superexaltate eum in sæcula.
This passage has not yet been translated.
Benedicite, omnes volucres cæli, Domino : laudate et superexaltate eum in sæcula.
This passage has not yet been translated.
Benedicite, omnes bestiæ et pecora, Domino : laudate et superexaltate eum in sæcula.
This passage has not yet been translated.
Benedicite, filii hominum, Domino : laudate et superexaltate eum in sæcula.
This passage has not yet been translated.
Benedicat Israël Dominum : laudet et superexaltet eum in sæcula.
This passage has not yet been translated.
Benedicite, sacerdotes Domini, Domino : laudate et superexaltate eum in sæcula.
This passage has not yet been translated.
Benedicite, servi Domini, Domino : laudate et superexaltate eum in sæcula.
This passage has not yet been translated.
Benedicite, spiritus et animæ justorum, Domino : laudate et superexaltate eum in sæcula.
This passage has not yet been translated.
Benedicite, sancti et humiles corde, Domino : laudate et superexaltate eum in sæcula.
This passage has not yet been translated.
Benedicite, Anania, Azaria, Misaël, Domino : laudate et superexaltate eum in sæcula : quia eruit nos de inferno, et salvos fecit de manu mortis : et liberavit nos de medio ardentis flammæ, et de medio ignis eruit nos.
This passage has not yet been translated.
Confitemini Domino, quoniam bonus : quoniam in sæculum misericordia ejus.
This passage has not yet been translated.
Benedicite, omnes religiosi, Domino Deo deorum : laudate et confitemini ei, quia in omnia sæcula misericordia ejus.
This passage has not yet been translated.
Tunc Nabuchodonosor rex obstupuit, et surrexit propere, et ait optimatibus suis : Nonne tres viros misimus in medium ignis compeditos ? Qui respondentes regi, dixerunt : Vere, rex.
This passage has not yet been translated.
Respondit, et ait : Ecce ego video quatuor viros solutos, et ambulantes in medio ignis, et nihil corruptionis in eis est, et species quarti similis filio Dei.
This passage has not yet been translated.
Tunc accessit Nabuchodonosor ad ostium fornacis ignis ardentis, et ait : Sidrach, Misach, et Abdenago, servi Dei excelsi, egredimini, et venite. Statimque egressi sunt Sidrach, Misach, et Abdenago de medio ignis.
This passage has not yet been translated.
Et congregati satrapæ, et magistratus, et judices, et potentes regis contemplabantur viros illos, quoniam nihil potestatis habuisset ignis in corporibus eorum, et capillus capitis eorum non esset adustus, et sarabala eorum non fuissent immutata, et odor ignis non transisset per eos.
This passage has not yet been translated.
Et erumpens Nabuchodonosor, ait : Benedictus Deus eorum, Sidrach videlicet, Misach, et Abdenago : qui misit angelum suum, et eruit servos suos, qui crediderunt in eum : et verbum regis immutaverunt, et tradiderunt corpora sua ne servirent, et ne adorarent omnem deum, excepto Deo suo.
This passage has not yet been translated.
A me ergo positum est hoc decretum : ut omnis populus, tribus, et lingua, quæcumque locuta fuerit blasphemiam contra Deum Sidrach, Misach, et Abdenago, dispereat, et domus ejus vastetur : neque enim est alius deus, qui possit ita salvare.
This passage has not yet been translated.
Tunc rex promovit Sidrach, Misach, et Abdenago in provincia Babylonis.
This passage has not yet been translated.
Nabuchodonosor rex, omnibus populis, gentibus, et linguis, qui habitant in universa terra, pax vobis multiplicetur.
This passage has not yet been translated.
Signa, et mirabilia fecit apud me Deus excelsus. Placuit ergo mihi prædicare
This passage has not yet been translated.
signa ejus, quia magna sunt : et mirabilia ejus, quia fortia : et regnum ejus regnum sempiternum, et potestas ejus in generationem et generationem.
This passage has not yet been translated.