Deuteronomy · 23
Verses
⋯
Non intravit eunuchus, attritis vel amputatis testiculis et abscisso veretro, ecclesiam Domini.
This passage has not yet been translated.
Non ingredietur mamzer, hoc est, de scorto natus, in ecclesiam Domini, usque ad decimam generationem.
This passage has not yet been translated.
Ammonites et Moabites etiam post decimam generationem non intrabunt ecclesiam Domini in æternum :
This passage has not yet been translated.
quia noluerunt vobis occurrere cum pane et aqua in via quando egressi estis de Ægypto : et quia conduxerunt contra te Balaam filium Beor de Mesopotamia Syriæ, ut malediceret tibi :
This passage has not yet been translated.
et noluit Dominus Deus tuus audire Balaam, vertitque maledictionem ejus in benedictionem tuam, eo quod diligeret te.
This passage has not yet been translated.
Non facies cum eis pacem, nec quæras eis bona cunctis diebus vitæ tuæ in sempiternum.
This passage has not yet been translated.
Non abominaberis Idumæum, quia frater tuus est : nec Ægyptium, quia advena fuisti in terra ejus.
This passage has not yet been translated.
Qui nati fuerint ex eis, tertia generatione intrabunt in ecclesiam Domini.
This passage has not yet been translated.
Quando egressus fueris adversus hostes tuos in pugnam, custodies te ab omni re mala.
This passage has not yet been translated.
Si fuerit inter vos homo, qui nocturno pollutus sit somnio, egredietur extra castra,
This passage has not yet been translated.
et non revertetur, priusquam ad vesperam lavetur aqua : et post solis occasum regredietur in castra.
This passage has not yet been translated.
Habebis locum extra castra, ad quem egrediaris ad requisita naturæ,
This passage has not yet been translated.
gerens paxillum in balteo : cumque sederis, fodies per circuitum, et egesta humo operies
This passage has not yet been translated.
quo revelatus es : Dominus enim Deus tuus ambulat in medio castrorum, ut eruat te, et tradat tibi inimicos tuos : et sint castra tua sancta, et nihil in eis appareat fœditatis, ne derelinquat te.
This passage has not yet been translated.
Non trades servum domino suo, qui ad te confugerit.
This passage has not yet been translated.
Habitabit tecum in loco, qui ei placuerit, et in una urbium tuarum requiescet : ne contristes eum.
This passage has not yet been translated.
Non erit meretrix de filiabus Israël, nec scortator de filiis Israël.
This passage has not yet been translated.
Non offeres mercedem prostibuli, nec pretium canis in domo Domini Dei tui, quidquid illud est quod voveris : quia abominatio est utrumque apud Dominum Deum tuum.
This passage has not yet been translated.
Non fœnerabis fratri tuo ad usuram pecuniam, nec fruges, nec quamlibet aliam rem :
This passage has not yet been translated.
sed alieno. Fratri autem tuo absque usura id quo indiget, commodabis : ut benedicat tibi Dominus Deus tuus in omni opere tuo in terra, ad quam ingredieris possidendam.
This passage has not yet been translated.
Cum votum voveris Domino Deo tuo, non tardabis reddere : quia requiret illud Dominus Deus tuus, et si moratus fueris, reputabitur tibi in peccatum.
This passage has not yet been translated.
Si nolueris polliceri, absque peccato eris.
This passage has not yet been translated.
Quod autem semel egressum est de labiis tuis, observabis, et facies sicut promisisti Domino Deo tuo, et propria voluntate et ore tuo locutus es.
This passage has not yet been translated.
Ingressus vineam proximi tui, comede uvas, quantum tibi placuerit : foras autem ne efferas tecum.
This passage has not yet been translated.
Si intraveris in segetem amici tui, franges spicas, et manu conteres : falce autem non metes.
This passage has not yet been translated.