Deuteronomy · 25
Verses
⋯
Si fuerit causa inter aliquos, et interpellaverint judices : quem justum esse perspexerint, illi justitiæ palmam dabunt : quem impium, condemnabunt impietatis.
This passage has not yet been translated.
Sin autem eum, qui peccavit, dignum viderint plagis : prosternent, et coram se facient verberari. Pro mensura peccati erit et plagarum modus :
This passage has not yet been translated.
ita dumtaxat, ut quadragenarium numerum non excedant : ne fœde laceratus ante oculos tuos abeat frater tuus.
This passage has not yet been translated.
Non ligabis os bovis terentis in area fruges tuas.
This passage has not yet been translated.
Quando habitaverint fratres simul, et unus ex eis absque liberis mortuus fuerit, uxor defuncti non nubet alteri : sed accipiet eam frater ejus, et suscitabit semen fratris sui :
This passage has not yet been translated.
et primogenitum ex ea filium nomine illius appellabit, ut non deleatur nomen ejus ex Israël.
This passage has not yet been translated.
Sin autem noluerit accipere uxorem fratris sui, quæ ei lege debetur, perget mulier ad portam civitatis, et interpellabit majores natu, dicetque : Non vult frater viri mei suscitare nomen fratris sui in Israël, nec me in conjugem sumere.
This passage has not yet been translated.
Statimque accersiri eum facient, et interrogabunt. Si responderit : Nolo eam uxorem accipere :
This passage has not yet been translated.
accedet mulier ad eum coram senioribus, et tollet calceamentum de pede ejus, spuetque in faciem illius, et dicet : Sic fiet homini, qui non ædificat domum fratris sui.
This passage has not yet been translated.
Et vocabitur nomen illius in Israël, Domus discalceati.
This passage has not yet been translated.
Si habuerint inter se jurgium viri duo, et unus contra alterum rixari cœperit, volensque uxor alterius eruere virum suum de manu fortioris, miseritque manum, et apprehenderit verenda ejus :
This passage has not yet been translated.
abscides manum illius, nec flecteris super eam ulla misericordia.
This passage has not yet been translated.
Non habebis in sacculo diversa pondera, majus et minus :
This passage has not yet been translated.
nec erit in domo tua modius major, et minor.
This passage has not yet been translated.
Pondus habebis justum et verum, et modius æqualis et verus erit tibi : ut multo vivas tempore super terram, quam Dominus Deus tuus dederit tibi.
This passage has not yet been translated.
Abominatur enim Dominus tuus eum qui facit hæc, et aversatur omnem injustitiam.
This passage has not yet been translated.
Memento quæ fecerit tibi Amalec in via quando egrediebaris ex Ægypto :
This passage has not yet been translated.
quomodo occurrerit tibi, et extremos agminis tui, qui lassi residebant, ceciderit, quando tu eras fame et labore confectus : et non timuerit Deum.
This passage has not yet been translated.
Cum ergo Dominus Deus tuus dederit tibi requiem, et subjecerit cunctas per circuitum nationes in terra, quam tibi pollicitus est : delebis nomen ejus sub cælo. Cave ne obliviscaris.
This passage has not yet been translated.