Genesis · 2
Verses
⋯
Igitur perfecti sunt cæli et terra, et omnis ornatus eorum.
This passage has not yet been translated.
Complevitque Deus die septimo opus suum quod fecerat : et requievit die septimo ab universo opere quod patrarat.
This passage has not yet been translated.
Et benedixit diei septimo, et sanctificavit illum, quia in ipso cessaverat ab omni opere suo quod creavit Deus ut faceret.
This passage has not yet been translated.
Istæ sunt generationes cæli et terræ, quando creata sunt, in die quo fecit Dominus Deus cælum et terram,
This passage has not yet been translated.
et omne virgultum agri antequam oriretur in terra, omnemque herbam regionis priusquam germinaret : non enim pluerat Dominus Deus super terram, et homo non erat qui operaretur terram :
This passage has not yet been translated.
sed fons ascendebat e terra, irrigans universam superficiem terræ.
This passage has not yet been translated.
Formavit igitur Dominus Deus hominem de limo terræ, et inspiravit in faciem ejus spiraculum vitæ, et factus est homo in animam viventem.
This passage has not yet been translated.
Plantaverat autem Dominus Deus paradisum voluptatis a principio, in quo posuit hominem quem formaverat.
This passage has not yet been translated.
Produxitque Dominus Deus de humo omne lignum pulchrum visu, et ad vescendum suave lignum etiam vitæ in medio paradisi, lignumque scientiæ boni et mali.
This passage has not yet been translated.
Et fluvius egrediebatur de loco voluptatis ad irrigandum paradisum, qui inde dividitur in quatuor capita.
This passage has not yet been translated.
Nomen uni Phison : ipse est qui circuit omnem terram Hevilath, ubi nascitur aurum :
This passage has not yet been translated.
et aurum terræ illius optimum est ; ibi invenitur bdellium, et lapis onychinus.
This passage has not yet been translated.
Et nomen fluvii secundi Gehon ; ipse est qui circumit omnem terram Æthiopiæ.
This passage has not yet been translated.
Nomen vero fluminis tertii, Tigris : ipse vadit contra Assyrios. Fluvius autem quartus, ipse est Euphrates.
This passage has not yet been translated.
Tulit ergo Dominus Deus hominem, et posuit eum in paradiso voluptatis, ut operaretur, et custodiret illum :
This passage has not yet been translated.
præcepitque ei, dicens : Ex omni ligno paradisi comede ;
This passage has not yet been translated.
de ligno autem scientiæ boni et mali ne comedas : in quocumque enim die comederis ex eo, morte morieris.
This passage has not yet been translated.
Dixit quoque Dominus Deus : Non est bonum esse hominem solum : faciamus ei adjutorium simile sibi.
This passage has not yet been translated.
Formatis igitur Dominus Deus de humo cunctis animantibus terræ, et universis volatilibus cæli, adduxit ea ad Adam, ut videret quid vocaret ea : omne enim quod vocavit Adam animæ viventis, ipsum est nomen ejus.
This passage has not yet been translated.
Appellavitque Adam nominibus suis cuncta animantia, et universa volatilia cæli, et omnes bestias terræ : Adæ vero non inveniebatur adjutor similis ejus.
This passage has not yet been translated.
Immisit ergo Dominus Deus soporem in Adam : cumque obdormisset, tulit unam de costis ejus, et replevit carnem pro ea.
This passage has not yet been translated.
Et ædificavit Dominus Deus costam, quam tulerat de Adam, in mulierem : et adduxit eam ad Adam.
This passage has not yet been translated.
Dixitque Adam : Hoc nunc os ex ossibus meis, et caro de carne mea : hæc vocabitur Virago, quoniam de viro sumpta est.
This passage has not yet been translated.
Quam ob rem relinquet homo patrem suum, et matrem, et adhærebit uxori suæ : et erunt duo in carne una.
This passage has not yet been translated.
Erat autem uterque nudus, Adam scilicet et uxor ejus : et non erubescebant.
This passage has not yet been translated.