Genesis · 49
Verses
⋯
Vocavit autem Jacob filios suos, et ait eis : Congregamini, ut annuntiem quæ ventura sunt vobis in diebus novissimis.
This passage has not yet been translated.
Congregamini, et audite, filii Jacob, audite Israël patrem vestrum :
This passage has not yet been translated.
Ruben, primogenitus meus, tu fortitudo mea, et principium doloris mei ; prior in donis, major in imperio.
This passage has not yet been translated.
Effusus es sicut aqua, non crescas : quia ascendisti cubile patris tui, et maculasti stratum ejus.
This passage has not yet been translated.
Simeon et Levi fratres vasa iniquitatis bellantia.
This passage has not yet been translated.
In consilium eorum non veniat anima mea, et in cœtu illorum non sit gloria mea : quia in furore suo occiderunt virum, et in voluntate sua suffoderunt murum.
This passage has not yet been translated.
Maledictus furor eorum, quia pertinax : et indignatio eorum, quia dura : dividam eos in Jacob, et dispergam eos in Israël.
This passage has not yet been translated.
Juda, te laudabunt fratres tui : manus tua in cervicibus inimicorum tuorum, adorabunt te filii patris tui.
This passage has not yet been translated.
Catulus leonis Juda : ad prædam, fili mi, ascendisti : requiescens accubuisti ut leo, et quasi leæna : quis suscitabit eum ?
This passage has not yet been translated.
Non auferetur sceptrum de Juda, et dux de femore ejus, donec veniat qui mittendus est, et ipse erit expectatio gentium.
This passage has not yet been translated.
Ligans ad vineam pullum suum, et ad vitem, o fili mi, asinam suam, lavabit in vino stolam suam et in sanguine uvæ pallium suum.
This passage has not yet been translated.
Pulchriores sunt oculi ejus vino, et dentes ejus lacte candidiores.
This passage has not yet been translated.
Zabulon in littore maris habitabit, et in statione navium pertingens usque ad Sidonem.
This passage has not yet been translated.
Issachar asinus fortis accubans inter terminos.
This passage has not yet been translated.
Vidit requiem, quod esset bona et terram, quod optima : et supposuit humerum suum ad portandum, factusque est tributis serviens.
This passage has not yet been translated.
Dan judicabit populum suum sicut et alia tribus in Israël.
This passage has not yet been translated.
Fiat Dan coluber in via, cerastes in semita, mordens ungulas equi, ut cadat ascensor ejus retro.
This passage has not yet been translated.
Salutare tuum expectabo, Domine.
This passage has not yet been translated.
Gad, accinctus præliabitur ante eum : et ipse accingetur retrorsum.
This passage has not yet been translated.
Aser, pinguis panis ejus, et præbebit delicias regibus.
This passage has not yet been translated.
Nephthali, cervus emissus, et dans eloquia pulchritudinis.
This passage has not yet been translated.
Filius accrescens Joseph, filius accrescens et decorus aspectu : filiæ discurrerunt super murum.
This passage has not yet been translated.
Sed exasperaverunt eum et jurgati sunt, invideruntque illi habentes jacula.
This passage has not yet been translated.
Sedit in forti arcus ejus, et dissoluta sunt vincula brachiorum et manuum illius per manus potentis Jacob : inde pastor egressus est, lapis Israël.
This passage has not yet been translated.
Deus patris tui erit adjutor tuus, et omnipotens benedicet tibi benedictionibus cæli desuper, benedictionibus abyssi jacentis deorsum, benedictionibus uberum et vulvæ.
This passage has not yet been translated.
Benedictiones patris tui confortatæ sunt benedictionibus patrum ejus, donec veniret desiderium collium æternorum : fiant in capite Joseph, et in vertice Nazaræi inter fratres suos.
This passage has not yet been translated.
Benjamin lupus rapax, mane comedat prædam, et vespere dividet spolia.
This passage has not yet been translated.
Omnes hi in tribubus Israël duodecim : hæc locutus est eis pater suus, benedixitque singulis benedictionibus propriis.
This passage has not yet been translated.
Et præcepit eis, dicens : Ego congregor ad populum meum : sepelite me cum patribus meis in spelunca duplici quæ est in agro Ephron Hethæi,
This passage has not yet been translated.
contra Mambre in terra Chanaan, quam emit Abraham cum agro ab Ephron Hethæo in possessionem sepulchri.
This passage has not yet been translated.
Ibi sepelierunt eum, et Saram uxorem ejus : ibi sepultus est Isaac cum Rebecca conjuge sua : ibi et Lia condita jacet.
This passage has not yet been translated.
Finitisque mandatis quibus filios instruebat, collegit pedes suos super lectulum, et obiit : appositusque est ad populum suum.
This passage has not yet been translated.