Isaiah · 24
Verses
⋯
Ecce Dominus dissipabit terram : et nudabit eam, et affliget faciem ejus, et disperget habitatores ejus.
This passage has not yet been translated.
Et erit sicut populus, sic sacerdos ; et sicut servus, sic dominus ejus ; sicut ancilla, sic domina ejus ; sicut emens, sic ille qui vendit ; sicut fœnerator, sic is qui mutuum accipit ; sicut qui repetit, sic qui debet.
This passage has not yet been translated.
Dissipatione dissipabitur terra, et direptione prædabitur ; Dominus enim locutus est verbum hoc.
This passage has not yet been translated.
Luxit, et defluxit terra, et infirmata est ; defluxit orbis, infirmata est altitudo populi terræ.
This passage has not yet been translated.
Et terra infecta est ab habitatoribus suis, quia transgressi sunt leges, mutaverunt jus, dissipaverunt fœdus sempiternum.
This passage has not yet been translated.
Propter hoc maledictio vorabit terram, et peccabunt habitatores ejus ; ideoque insanient cultores ejus, et relinquentur homines pauci.
This passage has not yet been translated.
Luxit vindemia, infirmata est vitis, ingemuerunt omnes qui lætabantur corde ;
This passage has not yet been translated.
cessavit gaudium tympanorum, quievit sonitus lætantium, conticuit dulcedo citharæ.
This passage has not yet been translated.
Cum cantico non bibent vinum ; amara erit potio bibentibus illam.
This passage has not yet been translated.
Attrita est civitas vanitatis, clausa est omnis domus, nullo introëunte.
This passage has not yet been translated.
Clamor erit super vino in plateis, deserta est omnia lætitia, translatum est gaudium terræ.
This passage has not yet been translated.
Relicta est in urbe solitudo, et calamitas opprimet portas.
This passage has not yet been translated.
Quia hæc erunt in medio terræ in medio populorum, quomodo si paucæ olivæ quæ remanserunt excutiantur ex olea et racemi, cum fuerit finita vindemia.
This passage has not yet been translated.
Hi levabunt vocem suam, atque laudabunt : cum glorificatus fuerit Dominus, hinnient de mari.
This passage has not yet been translated.
Propter hoc in doctrinis glorificate Dominum ; in insulis maris nomen Domini Dei Israël.
This passage has not yet been translated.
A finibus terræ laudes audivimus, gloriam Justi. Et dixi : Secretum meum mihi, secretum meum mihi. Væ mihi ! prævaricantes prævaricati sunt, et prævaricatione transgressorum prævaricati sunt.
This passage has not yet been translated.
Formido, et fovea, et laqueus super te, qui habitator es terræ.
This passage has not yet been translated.
Et erit : qui fugerit a voce formidinis cadet in foveam ; et qui se explicaverit de fovea tenebitur laqueo ; quia cataractæ de excelsis apertæ sunt et concutientur fundamenta terræ.
This passage has not yet been translated.
Confractione confringetur terra, contritione conteretur terra, commotione commovebitur terra ;
This passage has not yet been translated.
agitatione agitabitur terra sicut ebrius, et auferetur quasi tabernaculum unius noctis ; et gravabit eam iniquitas sua, et corruet, et non adjiciet ut resurgat.
This passage has not yet been translated.
Et erit : in die illa visitabit Dominus super militiam cæli in excelso, et super reges terræ qui sunt super terram ;
This passage has not yet been translated.
et congregabuntur in congregatione unius fascis in lacum, et claudentur ibi in carcere, et post multos dies visitabuntur.
This passage has not yet been translated.
Et erubescet luna, et confundetur sol, cum regnaverit Dominus exercituum in monte Sion et in Jerusalem et in conspectu senum suorum fuerit glorificatus.
This passage has not yet been translated.