Isaiah · 28
Verses
⋯
Væ coronæ superbiæ, ebriis Ephraim, et flori decidenti, gloriæ exsultationis ejus, qui erant in vertice vallis pinguissimæ, errantes a vino.
This passage has not yet been translated.
Ecce validus et fortis Dominus sicut impetus grandinis ; turbo confringens, sicut impetus aquarum multarum inundantium et emissarum super terram spatiosam.
This passage has not yet been translated.
Pedibus conculcabitur corona superbiæ ebriorum Ephraim.
This passage has not yet been translated.
Et erit flos decidens gloriæ exsultationis ejus, qui est super verticem vallis pinguium, quasi temporaneum ante maturitatem autumni, quod, cum aspexerit videns, statim ut manu tenuerit, devorabit illud.
This passage has not yet been translated.
In die illa erit Dominus exercituum corona gloriæ, et sertum exsultationis residuo populi sui ;
This passage has not yet been translated.
et spiritus judicii sedenti super judicium, et fortitudo revertentibus de bello ad portam.
This passage has not yet been translated.
Verum hi quoque præ vino nescierunt, et præ ebrietate erraverunt ; sacerdos et propheta nescierunt præ ebrietate ; absorpti sunt a vino, erraverunt in ebrietate, nescierunt videntem, ignoraverunt judicium.
This passage has not yet been translated.
Omnes enim mensæ repletæ sunt vomitu sordiumque, ita ut non esset ultra locus.
This passage has not yet been translated.
Quem docebit scientiam ? et quem intelligere faciet auditum ? Ablactatos a lacte, avulsos ab uberibus.
This passage has not yet been translated.
Quia manda, remanda ; manda, remanda ; exspecta, reexspecta ; exspecta, reexspecta ; modicum ibi, modicum ibi.
This passage has not yet been translated.
In loquela enim labii, et lingua altera loquetur ad populum istum.
This passage has not yet been translated.
Cui dixit : Hæc est requies mea, reficite lassum ; et hoc est meum refrigerium : et noluerunt audire.
This passage has not yet been translated.
Et erit eis verbum Domini : Manda, remanda ; manda, remanda ; exspecta, reexspecta ; exspecta, reexspecta ; modicum ibi, modicum ibi ; ut vadant, et cadant retrorsum, et conterantur, et illaqueentur, et capiantur.
This passage has not yet been translated.
Propter hoc audite verbum Domini, viri illusores, qui dominamini super populum meum, qui est in Jerusalem.
This passage has not yet been translated.
Dixistis enim : Percussimus fœdus cum morte, et cum inferno fecimus pactum : flagellum inundans cum transierit, non veniet super nos quia posuimus mendacium spem nostram, et mendacio protecti sumus.
This passage has not yet been translated.
Idcirco hæc dicit Dominus Deus : Ecce ego mittam in fundamentis Sion lapidem, lapidem probatum, angularem, pretiosum, in fundamento fundatum ; qui crediderit, non festinet.
This passage has not yet been translated.
Et ponam in pondere judicium, et justitiam in mensura ; et subvertet grando spem mendacii, et protectionem aquæ inundabunt.
This passage has not yet been translated.
Et delebitur fœdus vestrum cum morte, et pactum vestrum cum inferno non stabit : flagellum inundans cum transierit, eritis ei in conculcationem.
This passage has not yet been translated.
Quandocumque pertransierit, tollet vos, quoniam in mane diluculo pertransibit in die et in nocte ; et tantummodo sola vexatio intellectum dabit auditui.
This passage has not yet been translated.
Coangustatum est enim stratum, ita ut alter decidat ; et pallium breve utrumque operire non potest.
This passage has not yet been translated.
Sicut enim in monte divisionum stabit Dominus ; sicut in valle quæ est in Gabaon irascetur, ut faciat opus suum, alienum opus ejus : ut operetur opus suum, peregrinum est opus ejus ab eo.
This passage has not yet been translated.
Et nunc nolite illudere, ne forte constringantur vincula vestra ; consummationem enim et abbreviationem audivi a Domino Deo exercituum, super universam terram.
This passage has not yet been translated.
Auribus percipite, et audite vocem meam : attendite, et audite eloquium meum.
This passage has not yet been translated.
Numquid tota die arabit arans ut serat ? proscindet et sarriet humum suam ?
This passage has not yet been translated.
Nonne cum adæquaverit faciem ejus, seret gith et cyminum sparget ? et ponet triticum per ordinem, et hordeum, et milium, et viciam in finibus suis ?
This passage has not yet been translated.
Et erudiet illum in judicio ; Deus suus docebit illum.
This passage has not yet been translated.
Non enim in serris triturabitur gith, nec rota plaustri super cyminum circuibit ; sed in virga excutietur gith, et cyminum in baculo.
This passage has not yet been translated.
Panis autem comminuetur ; verum non in perpetuum triturans triturabit illum, neque vexabit eum rota plaustri, neque ungulis suis comminuet eum.
This passage has not yet been translated.
Et hoc a Domino Deo exercituum exivit, ut mirabile faceret consilium, et magnificaret justitiam.
This passage has not yet been translated.