Isaiah · 9
Verses
⋯
Primo tempore alleviata est terra Zabulon et terra Nephthali : et novissimo aggravata est via maris trans Jordanem Galilææ gentium.
This passage has not yet been translated.
Populus qui ambulabat in tenebris, vidit lucem magnam ; habitantibus in regione umbræ mortis, lux orta est eis.
This passage has not yet been translated.
Multiplicasti gentem, et non magnificasti lætitiam. Lætabuntur coram te, sicut qui lætantur in messe ; sicut exsultant victores capta præda, quando dividunt spolia.
This passage has not yet been translated.
Jugum enim oneris ejus, et virgam humeri ejus, et sceptrum exactoris ejus superasti, sicut in die Madian.
This passage has not yet been translated.
Quia omnis violentia prædatio cum tumultu, et vestimentum mistum sanguine, erit in combustionem, et cibus ignis.
This passage has not yet been translated.
Parvulus enim natus est nobis, et filius datus est nobis, et factus est principatus super humerum ejus : et vocabitur nomen ejus, Admirabilis, Consiliarius, Deus, Fortis, Pater futuri sæculi, Princeps pacis.
This passage has not yet been translated.
Multiplicabitur ejus imperium, et pacis non erit finis ; super solium David, et super regnum ejus sedebit, ut confirmet illud et corroboret in judicio et justitia, amodo et usque in sempiternum : zelus Domini exercituum faciet hoc.
This passage has not yet been translated.
Verbum misit Dominus in Jacob, et cecidit in Israël.
This passage has not yet been translated.
Et sciet omnis populus Ephraim, et habitantes Samariam, in superbia et magnitudine cordis dicentes :
This passage has not yet been translated.
Lateres ceciderunt, sed quadris lapidibus ædificabimus ; sycomoros succiderunt, sed cedros immutabimus.
This passage has not yet been translated.
Et elevabit Dominus hostes Rasin super eum, et inimicos ejus in tumultum vertet.
This passage has not yet been translated.
Syriam ab oriente, et Philisthiim ab occidente ; et devorabunt Israël toto ore. In omnibus his non est aversus furor ejus, sed adhuc manus ejus extenta.
This passage has not yet been translated.
Et populus non est reversus ad percutientem se, et Dominum exercituum non inquisierunt.
This passage has not yet been translated.
Et disperdet Dominus ab Israël caput et caudam, incurvantem et refrenantem, die una.
This passage has not yet been translated.
Longævus et honorabilis, ipse est caput ; et propheta docens mendacium, ipse est cauda.
This passage has not yet been translated.
Et erunt qui beatificant populum istum, seducentes ; et qui beatificantur, præcipitati.
This passage has not yet been translated.
Propter hoc super adolescentulis ejus non lætabitur Dominus, et pupillorum ejus et viduarum non miserebitur : quia omnis hypocrita est et nequam, et universum os locutum est stultitiam ; in omnibus his non est aversus furor ejus, sed adhuc manus ejus extenta.
This passage has not yet been translated.
Succensa est enim quasi ignis impietas : veprem et spinam vorabit, et succendetur in densitate saltus, et convolvetur superbia fumi.
This passage has not yet been translated.
In ira Domini exercituum conturbata est terra, et erit populus quasi esca ignis ; vir fratri suo non parcet.
This passage has not yet been translated.
Et declinabit ad dexteram, et esuriet ; et comedet ad sinistram, et non saturabitur ; unusquisque carnem brachii sui vorabit : Manasses Ephraim, et Ephraim Manassen ; simul ipsi contra Judam.
This passage has not yet been translated.
In omnibus his non est aversus furor ejus, sed adhuc manus ejus extenta.
This passage has not yet been translated.