Job · 14
Verses
⋯
Homo natus de muliere, brevi vivens tempore, repletur multis miseriis.
This passage has not yet been translated.
Qui quasi flos egreditur et conteritur, et fugit velut umbra, et numquam in eodem statu permanet.
This passage has not yet been translated.
Et dignum ducis super hujuscemodi aperire oculos tuos, et adducere eum tecum in judicium ?
This passage has not yet been translated.
Quis potest facere mundum de immundo conceptum semine ? nonne tu qui solus es ?
This passage has not yet been translated.
Breves dies hominis sunt : numerus mensium ejus apud te est : constituisti terminos ejus, qui præteriri non poterunt.
This passage has not yet been translated.
Recede paululum ab eo, ut quiescat, donec optata veniat, sicut mercenarii, dies ejus.
This passage has not yet been translated.
Lignum habet spem : si præcisum fuerit, rursum virescit, et rami ejus pullulant.
This passage has not yet been translated.
Si senuerit in terra radix ejus, et in pulvere emortuus fuerit truncus illius,
This passage has not yet been translated.
ad odorem aquæ germinabit, et faciet comam, quasi cum primum plantatum est.
This passage has not yet been translated.
Homo vero cum mortuus fuerit, et nudatus, atque consumptus, ubi, quæso, est ?
This passage has not yet been translated.
Quomodo si recedant aquæ de mari, et fluvius vacuefactus arescat :
This passage has not yet been translated.
sic homo, cum dormierit, non resurget : donec atteratur cælum, non evigilabit, nec consurget de somno suo.
This passage has not yet been translated.
Quis mihi hoc tribuat, ut in inferno protegas me, et abscondas me donec pertranseat furor tuus, et constituas mihi tempus in quo recorderis mei ?
This passage has not yet been translated.
Putasne mortuus homo rursum vivat ? cunctis diebus quibus nunc milito, expecto donec veniat immutatio mea.
This passage has not yet been translated.
Vocabis me, et ego respondebo tibi : operi manuum tuarum porriges dexteram.
This passage has not yet been translated.
Tu quidem gressus meos dinumerasti : sed parce peccatis meis.
This passage has not yet been translated.
Signasti quasi in sacculo delicta mea, sed curasti iniquitatem meam.
This passage has not yet been translated.
Mons cadens defluit, et saxum transfertur de loco suo :
This passage has not yet been translated.
lapides excavant aquæ, et alluvione paulatim terra consumitur : et hominem ergo similiter perdes.
This passage has not yet been translated.
Roborasti eum paululum, ut in perpetuum transiret : immutabis faciem ejus, et emittes eum.
This passage has not yet been translated.
Sive nobiles fuerint filii ejus, sive ignobiles, non intelliget.
This passage has not yet been translated.
Attamen caro ejus, dum vivet, dolebit, et anima illius super semetipso lugebit.
This passage has not yet been translated.