Job · 24
Verses
⋯
Ab Omnipotente non sunt abscondita tempora : qui autem noverunt eum, ignorant dies illius.
This passage has not yet been translated.
Alii terminos transtulerunt ; diripuerunt greges, et paverunt eos.
This passage has not yet been translated.
Asinum pupillorum abegerunt, et abstulerunt pro pignore bovem viduæ.
This passage has not yet been translated.
Subverterunt pauperum viam, et oppresserunt pariter mansuetos terræ.
This passage has not yet been translated.
Alii quasi onagri in deserto egrediuntur ad opus suum : vigilantes ad prædam, præparant panem liberis.
This passage has not yet been translated.
Agrum non suum demetunt, et vineam ejus, quem vi oppresserint, vindemiant.
This passage has not yet been translated.
Nudos dimittunt homines, indumenta tollentes, quibus non est operimentum in frigore :
This passage has not yet been translated.
quos imbres montium rigant, et non habentes velamen, amplexantur lapides.
This passage has not yet been translated.
Vim fecerunt deprædantes pupillos, et vulgum pauperem spoliaverunt.
This passage has not yet been translated.
Nudis et incedentibus absque vestitu, et esurientibus tulerunt spicas.
This passage has not yet been translated.
Inter acervos eorum meridiati sunt, qui calcatis torcularibus sitiunt.
This passage has not yet been translated.
De civitatibus fecerunt viros gemere, et anima vulneratorum clamavit : et Deus inultum abire non patitur.
This passage has not yet been translated.
Ipsi fuerunt rebelles lumini : nescierunt vias ejus, nec reversi sunt per semitas ejus.
This passage has not yet been translated.
Mane primo consurgit homicida ; interficit egenum et pauperem : per noctem vero erit quasi fur.
This passage has not yet been translated.
Oculus adulteri observat caliginem, dicens : Non me videbit oculus : et operiet vultum suum.
This passage has not yet been translated.
Perfodit in tenebris domos, sicut in die condixerant sibi, et ignoraverunt lucem.
This passage has not yet been translated.
Si subito apparuerit aurora, arbitrantur umbram mortis : et sic in tenebris quasi in luce ambulant.
This passage has not yet been translated.
Levis est super faciem aquæ : maledicta sit pars ejus in terra, nec ambulet per viam vinearum.
This passage has not yet been translated.
Ad nimium calorem transeat ab aquis nivium, et usque ad inferos peccatum illius.
This passage has not yet been translated.
Obliviscatur ejus misericordia ; dulcedo illius vermes : non sit in recordatione, sed conteratur quasi lignum infructuosum.
This passage has not yet been translated.
Pavit enim sterilem quæ non parit, et viduæ bene non fecit.
This passage has not yet been translated.
Detraxit fortes in fortitudine sua, et cum steterit, non credet vitæ suæ.
This passage has not yet been translated.
Dedit ei Deus locum pœnitentiæ, et ille abutitur eo in superbiam : oculi autem ejus sunt in viis illius.
This passage has not yet been translated.
Elevati sunt ad modicum, et non subsistent : et humiliabuntur sicut omnia, et auferentur, et sicut summitates spicarum conterentur.
This passage has not yet been translated.
Quod si non est ita, quis me potest arguere esse mentitum, et ponere ante Deum verba mea ?
This passage has not yet been translated.