Job · 23
Verses
⋯
Respondens autem Job, ait :
This passage has not yet been translated.
Nunc quoque in amaritudine est sermo meus, et manus plagæ meæ aggravata est super gemitum meum.
This passage has not yet been translated.
Quis mihi tribuat ut cognoscam et inveniam illum, et veniam usque ad solium ejus ?
This passage has not yet been translated.
Ponam coram eo judicium, et os meum replebo increpationibus :
This passage has not yet been translated.
ut sciam verba quæ mihi respondeat, et intelligam quid loquatur mihi.
This passage has not yet been translated.
Nolo multa fortitudine contendat mecum, nec magnitudinis suæ mole me premat.
This passage has not yet been translated.
Proponat æquitatem contra me, et perveniat ad victoriam judicium meum.
This passage has not yet been translated.
Si ad orientem iero, non apparet ; si ad occidentem, non intelligam eum.
This passage has not yet been translated.
Si ad sinistram, quid agam ? non apprehendam eum ; si me vertam ad dexteram, non videbo illum.
This passage has not yet been translated.
Ipse vero scit viam meam, et probavit me quasi aurum quod per ignem transit.
This passage has not yet been translated.
Vestigia ejus secutus est pes meus : viam ejus custodivi, et non declinavi ex ea.
This passage has not yet been translated.
A mandatis labiorum ejus non recessi, et in sinu meo abscondi verba oris ejus.
This passage has not yet been translated.
Ipse enim solus est, et nemo avertere potest cogitationem ejus : et anima ejus quodcumque voluit, hoc fecit.
This passage has not yet been translated.
Cum expleverit in me voluntatem suam, et alia multa similia præsto sunt ei.
This passage has not yet been translated.
Et idcirco a facie ejus turbatus sum, et considerans eum, timore sollicitor.
This passage has not yet been translated.
Deus mollivit cor meum, et Omnipotens conturbavit me.
This passage has not yet been translated.
Non enim perii propter imminentes tenebras, nec faciem meam operuit caligo.
This passage has not yet been translated.