Job · 4
Verses
⋯
Respondens autem Eliphaz Themanites, dixit :
This passage has not yet been translated.
Si cœperimus loqui tibi, forsitan moleste accipies ; sed conceptum sermonem tenere quis poterit ?
This passage has not yet been translated.
Ecce docuisti multos, et manus lassas roborasti ;
This passage has not yet been translated.
vacillantes confirmaverunt sermones tui, et genua trementia confortasti.
This passage has not yet been translated.
Nunc autem venit super te plaga, et defecisti ; tetigit te, et conturbatus es.
This passage has not yet been translated.
Ubi est timor tuus, fortitudo tua, patientia tua, et perfectio viarum tuarum ?
This passage has not yet been translated.
Recordare, obsecro te, quis umquam innocens periit ? aut quando recti deleti sunt ?
This passage has not yet been translated.
Quin potius vidi eos qui operantur iniquitatem, et seminant dolores, et metunt eos,
This passage has not yet been translated.
flante Deo perisse, et spiritu iræ ejus esse consumptos.
This passage has not yet been translated.
Rugitus leonis, et vox leænæ, et dentes catulorum leonum contriti sunt.
This passage has not yet been translated.
Tigris periit, eo quod non haberet prædam, et catuli leonis dissipati sunt.
This passage has not yet been translated.
Porro ad me dictum est verbum absconditum, et quasi furtive suscepit auris mea venas susurri ejus.
This passage has not yet been translated.
In horrore visionis nocturnæ, quando solet sopor occupare homines,
This passage has not yet been translated.
pavor tenuit me, et tremor, et omnia ossa mea perterrita sunt ;
This passage has not yet been translated.
et cum spiritus, me præsente, transiret, inhorruerunt pili carnis meæ.
This passage has not yet been translated.
Stetit quidam, cujus non agnoscebam vultum, imago coram oculis meis, et vocem quasi auræ lenis audivi.
This passage has not yet been translated.
Numquid homo, Dei comparatione, justificabitur ? aut factore suo purior erit vir ?
This passage has not yet been translated.
Ecce qui serviunt ei, non sunt stabiles, et in angelis suis reperit pravitatem ;
This passage has not yet been translated.
quanto magis hi qui habitant domos luteas, qui terrenum habent fundamentum, consumentur velut a tinea ?
This passage has not yet been translated.
De mane usque ad vesperam succidentur ; et quia nullus intelligit, in æternum peribunt.
This passage has not yet been translated.
Qui autem reliqui fuerint, auferentur ex eis ; morientur, et non in sapientia.
This passage has not yet been translated.