Luke · 18
Verses
⋯
Dicebat autem et parabolam ad illos, quoniam oportet semper orare et non deficere,
This passage has not yet been translated.
dicens : Judex quidam erat in quadam civitate, qui Deum non timebat, et hominem non reverebatur.
This passage has not yet been translated.
Vidua autem quædam erat in civitate illa, et veniebat ad eum, dicens : Vindica me de adversario meo.
This passage has not yet been translated.
Et nolebat per multum tempus. Post hæc autem dixit intra se : Etsi Deum non timeo, nec hominem revereor :
This passage has not yet been translated.
tamen quia molesta est mihi hæc vidua, vindicabo illam, ne in novissimo veniens sugillet me.
This passage has not yet been translated.
Ait autem Dominus : Audite quid judex iniquitatis dicit :
This passage has not yet been translated.
Deus autem non faciet vindictam electorum suorum clamantium ad se die ac nocte, et patientiam habebit in illis ?
This passage has not yet been translated.
Dico vobis quia cito faciet vindictam illorum. Verumtamen Filius hominis veniens, putas, inveniet fidem in terra ?
This passage has not yet been translated.
Dixit autem et ad quosdam qui in se confidebant tamquam justi, et aspernabantur ceteros, parabolam istam :
This passage has not yet been translated.
Duo homines ascenderunt in templum ut orarent : unus pharisæus et alter publicanus.
This passage has not yet been translated.
Pharisæus stans, hæc apud se orabat : Deus, gratias ago tibi, quia non sum sicut ceteri hominum : raptores, injusti, adulteri, velut etiam hic publicanus :
This passage has not yet been translated.
jejuno bis in sabbato, decimas do omnium quæ possideo.
This passage has not yet been translated.
Et publicanus a longe stans, nolebat nec oculos ad cælum levare : sed percutiebat pectus suum, dicens : Deus propitius esto mihi peccatori.
This passage has not yet been translated.
Dico vobis, descendit hic justificatus in domum suam ab illo : quia omnis qui se exaltat, humiliabitur, et qui se humiliat, exaltabitur.
This passage has not yet been translated.
Afferebant autem ad illum et infantes, ut eos tangeret. Quod cum viderent discipuli, increpabant illos.
This passage has not yet been translated.
Jesus autem convocans illos, dixit : Sinite pueros venire ad me, et nolite vetare eos : talium est enim regnum Dei.
This passage has not yet been translated.
Amen dico vobis, quicumque non acceperit regnum Dei sicut puer, non intrabit in illud.
This passage has not yet been translated.
Et interrogavit eum quidam princeps, dicens : Magister bone, quid faciens vitam æternam possidebo ?
This passage has not yet been translated.
Dixit autem ei Jesus : Quid me dicis bonum ? nemo bonus nisi solus Deus.
This passage has not yet been translated.
Mandata nosti : non occides ; non mœchaberis ; non furtum facies ; non falsum testimonium dices ; honora patrem tuum et matrem.
This passage has not yet been translated.
Qui ait : Hæc omnia custodivi a juventute mea.
This passage has not yet been translated.
Quo audito, Jesus ait ei : Adhuc unum tibi deest : omnia quæcumque habes vende, et da pauperibus, et habebis thesaurum in cælo : et veni, sequere me.
This passage has not yet been translated.
His ille auditis, contristatus est : quia dives erat valde.
This passage has not yet been translated.
Videns autem Jesus illum tristem factum, dixit : Quam difficile, qui pecunias habent, in regnum Dei intrabunt !
This passage has not yet been translated.
facilius est enim camelum per foramen acus transire quam divitem intrare in regnum Dei.
This passage has not yet been translated.
Et dixerunt qui audiebant : Et quis potest salvus fieri ?
This passage has not yet been translated.
Ait illis : Quæ impossibilia sunt apud homines, possibilia sunt apud Deum.
This passage has not yet been translated.
Ait autem Petrus : Ecce nos dimisimus omnia et secuti sumus te.
This passage has not yet been translated.
Qui dixit eis : Amen dico vobis, nemo est qui reliquit domum, aut parentes, aut fratres, aut uxorem, aut filios propter regnum Dei,
This passage has not yet been translated.
et non recipiat multo plura in hoc tempore, et in sæculo venturo vitam æternam.
This passage has not yet been translated.
Assumpsit autem Jesus duodecim, et ait illis : Ecce ascendimus Jerosolymam, et consummabuntur omnia quæ scripta sunt per prophetas de Filio hominis :
This passage has not yet been translated.
tradetur enim gentibus, et illudetur, et flagellabitur, et conspuetur :
This passage has not yet been translated.
et postquam flagellaverint, occident eum, et tertia die resurget.
This passage has not yet been translated.
Et ipsi nihil horum intellexerunt, et erat verbum istud absconditum ab eis, et non intelligebant quæ dicebantur.
This passage has not yet been translated.
Factum est autem, cum appropinquaret Jericho, cæcus quidam sedebat secus viam, mendicans.
This passage has not yet been translated.
Et cum audiret turbam prætereuntem, interrogabat quid hoc esset.
This passage has not yet been translated.
Dixerunt autem ei quod Jesus Nazarenus transiret.
This passage has not yet been translated.
Et clamavit, dicens : Jesu, fili David, miserere mei.
This passage has not yet been translated.
Et qui præibant, increpabant eum ut taceret. Ipse vero multo magis clamabat : Fili David, miserere mei.
This passage has not yet been translated.
Stans autem Jesus jussit illum adduci ad se. Et cum appropinquasset, interrogavit illum,
This passage has not yet been translated.
dicens : Quid tibi vis faciam ? At ille dixit : Domine, ut videam.
This passage has not yet been translated.
Et Jesus dixit illi : Respice, fides tua te salvum fecit.
This passage has not yet been translated.
Et confestim vidit, et sequebatur illum magnificans Deum. Et omnis plebs ut vidit, dedit laudem Deo.
This passage has not yet been translated.