Leviticus · 4
Verses
⋯
Locutusque est Dominus ad Moysen, dicens :
This passage has not yet been translated.
Loquere filiis Israël : Anima, quæ peccaverit per ignorantiam, et de universis mandatis Domini, quæ præcepit ut non fierent, quippiam fecerit :
This passage has not yet been translated.
si sacerdos, qui unctus est, peccaverit, delinquere faciens populum, offeret pro peccato suo vitulum immaculatum Domino :
This passage has not yet been translated.
et adducet illum ad ostium tabernaculi testimonii coram Domino, ponetque manum super caput ejus, et immolabit eum Domino.
This passage has not yet been translated.
Hauriet quoque de sanguine vituli, inferens illum in tabernaculum testimonii.
This passage has not yet been translated.
Cumque intinxerit digitum in sanguine, asperget eo septies coram Domino contra velum sanctuarii.
This passage has not yet been translated.
Ponetque de eodem sanguine super cornua altaris thymiamatis gratissimi Domino, quod est in tabernaculo testimonii : omnem autem reliquum sanguinem fundet in basim altaris holocausti in introitu tabernaculi.
This passage has not yet been translated.
Et adipem vituli auferet pro peccato, tam eum qui vitalia operit quam omnia quæ intrinsecus sunt :
This passage has not yet been translated.
duos renunculos et reticulum quod est super eos juxta ilia, et adipem jecoris cum renunculis,
This passage has not yet been translated.
sicut aufertur de vitulo hostiæ pacificorum : et adolebit ea super altare holocausti.
This passage has not yet been translated.
Pellem vero et omnes carnes, cum capite et pedibus et intestinis et fimo,
This passage has not yet been translated.
et reliquo corpore, efferet extra castra in locum mundum, ubi cineres effundi solent : incendetque ea super lignorum struem, quæ in loco effusorum cinerum cremabuntur.
This passage has not yet been translated.
Quod si omnis turba Israël ignoraverit, et per imperitiam fecerit quod contra mandatum Domini est,
This passage has not yet been translated.
et postea intellexerit peccatum suum, offeret pro peccato suo vitulum, adducetque eum ad ostium tabernaculi.
This passage has not yet been translated.
Et ponent seniores populi manus super caput ejus coram Domino. Immolatoque vitulo in conspectu Domini,
This passage has not yet been translated.
inferet sacerdos, qui unctus est, de sanguine ejus in tabernaculum testimonii,
This passage has not yet been translated.
tincto digito aspergens septies contra velum.
This passage has not yet been translated.
Ponetque de eodem sanguine in cornibus altaris, quod est coram Domino in tabernaculo testimonii : reliquum autem sanguinem fundet juxta basim altaris holocaustorum, quod est in ostio tabernaculi testimonii.
This passage has not yet been translated.
Omnemque ejus adipem tollet, et adolebit super altare :
This passage has not yet been translated.
sic faciens et de hoc vitulo quomodo fecit et prius : et rogante pro eis sacerdote, propitius erit eis Dominus.
This passage has not yet been translated.
Ipsum autem vitulum efferet extra castra, atque comburet sicut et priorem vitulum : quia est pro peccato multitudinis.
This passage has not yet been translated.
Si peccaverit princeps, et fecerit unum e pluribus per ignorantiam, quod Domini lege prohibetur :
This passage has not yet been translated.
et postea intellexerit peccatum suum, offeret hostiam Domino, hircum de capris immaculatum.
This passage has not yet been translated.
Ponetque manum suam super caput ejus : cumque immolaverit eum loco ubi solet mactari holocaustum coram Domino, quia pro peccato est,
This passage has not yet been translated.
tinget sacerdos digitum in sanguine hostiæ pro peccato, tangens cornua altaris holocausti, et reliquum fundens ad basim ejus.
This passage has not yet been translated.
Adipem vero adolebit supra, sicut in victimis pacificorum fieri solet : rogabitque pro eo sacerdos, et pro peccato ejus, et dimittetur ei.
This passage has not yet been translated.
Quod si peccaverit anima per ignorantiam, de populo terræ, ut faciat quidquam de his, quæ Domini lege prohibentur, atque delinquat,
This passage has not yet been translated.
et cognoverit peccatum suum, offeret capram immaculatam.
This passage has not yet been translated.
Ponetque manum super caput hostiæ quæ pro peccato est, et immolabit eam in loco holocausti.
This passage has not yet been translated.
Tolletque sacerdos de sanguine in digito suo : et tangens cornua altaris holocausti, reliquum fundet ad basim ejus.
This passage has not yet been translated.
Omnem autem adipem auferens, sicut auferri solet de victimis pacificorum, adolebit super altare in odorem suavitatis Domino : rogabitque pro eo, et dimittetur ei.
This passage has not yet been translated.
Sin autem de pecoribus obtulerit victimam pro peccato, ovem scilicet immaculatam :
This passage has not yet been translated.
ponet manum super caput ejus, et immolabit eam in loco ubi solent cædi holocaustorum hostiæ.
This passage has not yet been translated.
Sumetque sacerdos de sanguine ejus digito suo, et tangens cornua altaris holocausti, reliquum fundet ad basim ejus.
This passage has not yet been translated.
Omnem quoque adipem auferens, sicut auferri solet adeps arietis, qui immolatur pro pacificis, cremabit super altare in incensum Domini : rogabitque pro eo, et pro peccato ejus, et dimittetur ei.
This passage has not yet been translated.