Matthew · 14
Verses
⋯
In illo tempore audivit Herodes tetrarcha famam Jesu :
This passage has not yet been translated.
et ait pueris suis : Hic est Joannes Baptista : ipse surrexit a mortuis, et ideo virtutes operantur in eo.
This passage has not yet been translated.
Herodes enim tenuit Joannem, et alligavit eum : et posuit in carcerem propter Herodiadem uxorem fratris sui.
This passage has not yet been translated.
Dicebat enim illi Joannes : Non licet tibi habere eam.
This passage has not yet been translated.
Et volens illum occidere, timuit populum : quia sicut prophetam eum habebant.
This passage has not yet been translated.
Die autem natalis Herodis saltavit filia Herodiadis in medio, et placuit Herodi :
This passage has not yet been translated.
unde cum juramento pollicitus est ei dare quodcumque postulasset ab eo.
This passage has not yet been translated.
At illa præmonita a matre sua : Da mihi, inquit, hic in disco caput Joannis Baptistæ.
This passage has not yet been translated.
Et contristatus est rex : propter juramentum autem, et eos qui pariter recumbebant, jussit dari.
This passage has not yet been translated.
Misitque et decollavit Joannem in carcere.
This passage has not yet been translated.
Et allatum est caput ejus in disco, et datum est puellæ, et attulit matri suæ.
This passage has not yet been translated.
Et accedentes discipuli ejus, tulerunt corpus ejus, et sepelierunt illud : et venientes nuntiaverunt Jesu.
This passage has not yet been translated.
Quod cum audisset Jesus, secessit inde in navicula, in locum desertum seorsum : et cum audissent turbæ, secutæ sunt eum pedestres de civitatibus.
This passage has not yet been translated.
Et exiens vidit turbam multam, et misertus est eis, et curavit languidos eorum.
This passage has not yet been translated.
Vespere autem facto, accesserunt ad eum discipuli ejus, dicentes : Desertus est locus, et hora jam præteriit : dimitte turbas, ut euntes in castella, emant sibi escas.
This passage has not yet been translated.
Jesus autem dixit eis : Non habent necesse ire : date illis vos manducare.
This passage has not yet been translated.
Responderunt ei : Non habemus hic nisi quinque panes et duos pisces.
This passage has not yet been translated.
Qui ait eis : Afferte mihi illos huc.
This passage has not yet been translated.
Et cum jussisset turbam discumbere super fœnum, acceptis quinque panibus et duobus piscibus, aspiciens in cælum benedixit, et fregit, et dedit discipulis panes, discipuli autem turbis.
This passage has not yet been translated.
Et manducaverunt omnes, et saturati sunt. Et tulerunt reliquias, duodecim cophinos fragmentorum plenos.
This passage has not yet been translated.
Manducantium autem fuit numerus quinque millia virorum, exceptis mulieribus et parvulis.
This passage has not yet been translated.
Et statim compulit Jesus discipulos ascendere in naviculam, et præcedere eum trans fretum, donec dimitteret turbas.
This passage has not yet been translated.
Et dimissa turba, ascendit in montem solus orare. Vespere autem facto solus erat ibi :
This passage has not yet been translated.
navicula autem in medio mari jactabatur fluctibus : erat enim contrarius ventus.
This passage has not yet been translated.
Quarta enim vigilia noctis, venit ad eos ambulans super mare.
This passage has not yet been translated.
Et videntes eum super mare ambulantem, turbati sunt, dicentes : Quia phantasma est. Et præ timore clamaverunt.
This passage has not yet been translated.
Statimque Jesus locutus est eis, dicens : Habete fiduciam : ego sum, nolite timere.
This passage has not yet been translated.
Respondens autem Petrus, dixit : Domine, si tu es, jube me ad te venire super aquas.
This passage has not yet been translated.
At ipse ait : Veni. Et descendens Petrus de navicula, ambulabat super aquam ut veniret ad Jesum.
This passage has not yet been translated.
Videns vero ventum validum, timuit : et cum cœpisset mergi, clamavit dicens : Domine, salvum me fac.
This passage has not yet been translated.
Et continuo Jesus extendens manum, apprehendit eum : et ait illi : Modicæ fidei, quare dubitasti ?
This passage has not yet been translated.
Et cum ascendissent in naviculam, cessavit ventus.
This passage has not yet been translated.
Qui autem in navicula erant, venerunt, et adoraverunt eum, dicentes : Vere Filius Dei es.
This passage has not yet been translated.
Et cum transfretassent, venerunt in terram Genesar.
This passage has not yet been translated.
Et cum cognovissent eum viri loci illius, miserunt in universam regionem illam, et obtulerunt ei omnes male habentes :
This passage has not yet been translated.
et rogabant eum ut vel fimbriam vestimenti ejus tangerent. Et quicumque tetigerunt, salvi facti sunt.
This passage has not yet been translated.