Numbers · 24
Verses
⋯
Cumque vidisset Balaam quod placeret Domino ut benediceret Israëli, nequaquam abiit ut ante perrexerat, ut augurium quæreret : sed dirigens contra desertum vultum suum,
This passage has not yet been translated.
et elevans oculos, vidit Israël in tentoriis commorantem per tribus suas : et irruente in se spiritu Dei,
This passage has not yet been translated.
assumpta parabola, ait : Dixit Balaam filius Beor : dixit homo, cujus obturatus est oculus :
This passage has not yet been translated.
dixit auditor sermonum Dei, qui visionem Omnipotentis intuitus est, qui cadit, et sic aperiuntur oculi ejus :
This passage has not yet been translated.
Quam pulchra tabernacula tua, Jacob, et tentoria tua, Israël !
This passage has not yet been translated.
ut valles nemorosæ, ut horti juxta fluvios irrigui, ut tabernacula quæ fixit Dominus, quasi cedri prope aquas.
This passage has not yet been translated.
Fluet aqua de situla ejus, et semen illius erit in aquas multas. Tolletur propter Agag, rex ejus, et auferetur regnum illius.
This passage has not yet been translated.
Deus eduxit illum de Ægypto, cujus fortitudo similis est rhinocerotis. Devorabunt gentes hostes illius, ossaque eorum confringent, et perforabunt sagittis.
This passage has not yet been translated.
Accubans dormivit ut leo, et quasi leæna, quam suscitare nullus audebit. Qui benedixerit tibi, erit et ipse benedictus : qui maledixerit, in maledictione reputabitur.
This passage has not yet been translated.
Iratusque Balac contra Balaam, complosis manibus ait : Ad maledicendum inimicis meis vocavi te, quibus e contrario tertio benedixisti :
This passage has not yet been translated.
revertere ad locum tuum. Decreveram quidem magnifice honorare te, sed Dominus privavit te honore disposito.
This passage has not yet been translated.
Respondit Balaam ad Balac : Nonne nuntiis tuis, quos misisti ad me, dixi :
This passage has not yet been translated.
Si dederit mihi Balac plenam domum suam argenti et auri, non potero præterire sermonem Domini Dei mei, ut vel boni quid vel mali proferam ex corde meo : sed quidquid Dominus dixerit, hoc loquar ?
This passage has not yet been translated.
verumtamen pergens ad populum meum, dabo consilium, quid populus tuus populo huic faciat extremo tempore.
This passage has not yet been translated.
Sumpta igitur parabola, rursum ait : Dixit Balaam filius Beor : dixit homo, cujus obturatus est oculus :
This passage has not yet been translated.
dixit auditor sermonum Dei, qui novit doctrinam Altissimi, et visiones Omnipotentis videt, qui cadens apertos habet oculos :
This passage has not yet been translated.
Videbo eum, sed non modo : intuebor illum, sed non prope. Orietur stella ex Jacob, et consurget virga de Israël : et percutiet duces Moab, vastabitque omnes filios Seth.
This passage has not yet been translated.
Et erit Idumæa possessio ejus : hæreditas Seir cedet inimicis suis : Israël vero fortiter aget.
This passage has not yet been translated.
De Jacob erit qui dominetur, et perdat reliquias civitatis.
This passage has not yet been translated.
Cumque vidisset Amalec, assumens parabolam, ait : Principium gentium Amalec, cujus extrema perdentur.
This passage has not yet been translated.
Vidit quoque Cinæum : et assumpta parabola, ait : Robustum quidem est habitaculum tuum : sed si in petra posueris nidum tuum,
This passage has not yet been translated.
et fueris electus de stirpe Cin, quamdiu poteris permanere ? Assur enim capiet te.
This passage has not yet been translated.
Assumptaque parabola iterum locutus est : Heu ! quis victurus est, quando ista faciet Deus ?
This passage has not yet been translated.
Venient in trieribus de Italia : superabunt Assyrios, vastabuntque Hebræos, et ad extremum etiam ipsi peribunt.
This passage has not yet been translated.
Surrexitque Balaam, et reversus est in locum suum : Balac quoque via, qua venerat, rediit.
This passage has not yet been translated.