Romans · 14
Verses
⋯
Infirmum autem in fide assumite, non in disceptationibus cogitationum.
This passage has not yet been translated.
Alius enim credit se manducare omnia : qui autem infirmus est, olus manducet.
This passage has not yet been translated.
Is qui manducat, non manducantem non spernat : et qui non manducat, manducantem non judicet : Deus enim illum assumpsit.
This passage has not yet been translated.
Tu quis es, qui judicas alienum servum ? domino suo stat, aut cadit : stabit autem : potens est enim Deus statuere illum.
This passage has not yet been translated.
Nam alius judicat diem inter diem : alius autem judicat omnem diem : unusquisque in suo sensu abundet.
This passage has not yet been translated.
Qui sapit diem, Domino sapit, et qui manducat, Domino manducat : gratias enim agit Deo. Et qui non manducat, Domino non manducat, et gratias agit Deo.
This passage has not yet been translated.
Nemo enim nostrum sibi vivit, et nemo sibi moritur.
This passage has not yet been translated.
Sive enim vivemus, Domino vivimus : sive morimur, Domino morimur. Sive ergo vivimus, sive morimur, Domini sumus.
This passage has not yet been translated.
In hoc enim Christus mortuus est, et resurrexit : ut et mortuorum et vivorum dominetur.
This passage has not yet been translated.
Tu autem quid judicas fratrem tuum ? aut tu quare spernis fratrem tuum ? omnes enim stabimus ante tribunal Christi.
This passage has not yet been translated.
Scriptum est enim : Vivo ego, dicit Dominus, quoniam mihi flectetur omne genu : et omnis lingua confitebitur Deo.
This passage has not yet been translated.
Itaque unusquisque nostrum pro se rationem reddet Deo.
This passage has not yet been translated.
Non ergo amplius invicem judicemus : sed hoc judicate magis, ne ponatis offendiculum fratri, vel scandalum.
This passage has not yet been translated.
Scio, et confido in Domino Jesu, quia nihil commune per ipsum, nisi ei qui existimat quid commune esset, illi commune est.
This passage has not yet been translated.
Si enim propter cibum frater tuus contristatur, jam non secundum caritatem ambulas. Noli cibo tuo illum perdere, pro quo Christus mortuus est.
This passage has not yet been translated.
Non ergo blasphemetur bonum nostrum.
This passage has not yet been translated.
Non est enim regnum Dei esca et potus : sed justitia, et pax, et gaudium in Spiritu Sancto :
This passage has not yet been translated.
qui enim in hoc servit Christo, placet Deo, et probatus est hominibus.
This passage has not yet been translated.
Itaque quæ pacis sunt, sectemur : et quæ ædificationis sunt, in invicem custodiamus.
This passage has not yet been translated.
Noli propter escam destruere opus Dei, omnia quidem sunt munda : sed malum est homini, qui per offendiculum manducat.
This passage has not yet been translated.
Bonum est non manducare carnem, et non bibere vinum, neque in quo frater tuus offenditur, aut scandalizatur, aut infirmatur.
This passage has not yet been translated.
Tu fidem habes ? penes temetipsum habe coram Deo. Beatus qui non judicat semetipsum in eo quod probat.
This passage has not yet been translated.
Qui autem discernit, si manducaverit, damnatus est : quia non ex fide. Omne autem, quod non est ex fide, peccatum est.
This passage has not yet been translated.