Wisdom · 1
Verses
⋯
Diligite justitiam, qui judicatis terram. Sentite de Domino in bonitate, et in simplicitate cordis quærite illum :
This passage has not yet been translated.
quoniam invenitur ab his qui non tentant illum, apparet autem eis qui fidem habent in illum.
This passage has not yet been translated.
Perversæ enim cogitationes separant a Deo ; probata autem virtus corripit insipientes.
This passage has not yet been translated.
Quoniam in malevolam animam non introibit sapientia, nec habitabit in corpore subdito peccatis.
This passage has not yet been translated.
Spiritus enim sanctus disciplinæ effugiet fictum, et auferet se a cogitationibus quæ sunt sine intellectu, et corripietur a superveniente iniquitate.
This passage has not yet been translated.
Benignus est enim spiritus sapientiæ, et non liberabit maledicum a labiis suis : quoniam renum illius testis est Deus, et cordis illius scrutator est verus, et linguæ ejus auditor.
This passage has not yet been translated.
Quoniam spiritus Domini replevit orbem terrarum, et hoc quod continet omnia, scientiam habet vocis.
This passage has not yet been translated.
Propter hoc qui loquitur iniqua non potest latere, nec præteriet illum corripiens judicium.
This passage has not yet been translated.
In cogitationibus enim impii interrogatio erit ; sermonum autem illius auditio ad Deum veniet, ad correptionem iniquitatum illius.
This passage has not yet been translated.
Quoniam auris zeli audit omnia, et tumultus murmurationum non abscondetur.
This passage has not yet been translated.
Custodite ergo vos a murmuratione quæ nihil prodest, et a detractione parcite linguæ : quoniam sermo obscurus in vacuum non ibit, os autem quod mentitur occidit animam.
This passage has not yet been translated.
Nolite zelare mortem in errore vitæ vestræ, neque acquiratis perditionem in operibus manuum vestrarum.
This passage has not yet been translated.
Quoniam Deus mortem non fecit, nec lætatur in perditione vivorum.
This passage has not yet been translated.
Creavit enim ut essent omnia, et sanabiles fecit nationes orbis terrarum : et non est in illis medicamentum exterminii, nec inferorum regnum in terra.
This passage has not yet been translated.
Justitia enim perpetua est, et immortalis.
This passage has not yet been translated.
Impii autem manibus et verbis accersierunt illam, et æstimantes illam amicam, defluxerunt ; et sponsiones posuerunt ad illam, quoniam digni sunt qui sint ex parte illius.
This passage has not yet been translated.