Sirach · 13
Verses
⋯
Qui tetigerit picem inquinabitur ab ea : et qui communicaverit superbo induet superbiam.
This passage has not yet been translated.
Pondus super se tollat qui honestiori se communicat, et ditiori te ne socius fueris.
This passage has not yet been translated.
Quid communicabit cacabus ad ollam ? quando enim se colliserint, confringetur.
This passage has not yet been translated.
Dives injuste egit, et fremet : pauper autem læsus tacebit.
This passage has not yet been translated.
Si largitus fueris, assumet te : et si non habueris, derelinquet te.
This passage has not yet been translated.
Si habes, convivet tecum, et evacuabit te : et ipse non dolebit super te.
This passage has not yet been translated.
Si necessarius illi fueris, supplantabit te, et subridens spem dabit, narrans tibi bona, et dicet : Quid opus est tibi ?
This passage has not yet been translated.
Et confundet te in cibis suis, donec te exinaniat bis et ter : et in novissimo deridebit te, et postea videns derelinquet te, et caput suum movebit ad te.
This passage has not yet been translated.
Humiliare Deo, et exspecta manus ejus.
This passage has not yet been translated.
Attende ne seductus in stultitiam humilieris.
This passage has not yet been translated.
Noli esse humilis in sapientia tua, ne humiliatus in stultitiam seducaris.
This passage has not yet been translated.
Advocatus a potentiore, discede : ex hoc enim magis te advocabit.
This passage has not yet been translated.
Ne improbus sis, ne impingaris : et ne longe sis ab eo, ne eas in oblivionem.
This passage has not yet been translated.
Ne retineas ex æquo loqui cum illo, nec credas multis verbis illius : ex multa enim loquela tentabit te, et subridens interrogabit te de absconditis tuis.
This passage has not yet been translated.
Immitis animus illius conservabit verba tua : et non parcet de malitia, et de vinculis.
This passage has not yet been translated.
Cave tibi, et attende diligenter auditui tuo, quoniam cum subversione tua ambulas :
This passage has not yet been translated.
audiens vero illa, quasi in somnis vide, et vigilabis.
This passage has not yet been translated.
Omni vita tua dilige Deum, et invoca illum in salute tua.
This passage has not yet been translated.
Omne animal diligit simile sibi, sic et omnis homo proximum sibi.
This passage has not yet been translated.
Omnis caro ad similem sibi conjungetur, et omnis homo simili sui sociabitur.
This passage has not yet been translated.
Si communicabit lupus agno aliquando, sic peccator justo.
This passage has not yet been translated.
Quæ communicatio sancto homini ad canem ? aut quæ pars diviti ad pauperem ?
This passage has not yet been translated.
Venatio leonis onager in eremo : sic et pascua divitum sunt pauperes.
This passage has not yet been translated.
Et sicut abominatio est superbo humilitas, sic et execratio divitis pauper.
This passage has not yet been translated.
Dives commotus confirmatur ab amicis suis : humilis autem cum ceciderit, expelletur et a notis.
This passage has not yet been translated.
Diviti decepto multi recuperatores : locutus est superbia, et justificaverunt illum.
This passage has not yet been translated.
Humilis deceptus est, insuper et arguitur : locutus est sensate, et non est datus ei locus.
This passage has not yet been translated.
Dives locutus est, et omnes tacuerunt, et verbum illius usque ad nubes perducent.
This passage has not yet been translated.
Pauper locutus est, et dicunt : Quis est hic ? et si offenderit, subvertent illum.
This passage has not yet been translated.
Bona est substantia cui non est peccatum in conscientia : et nequissima paupertas in ore impii.
This passage has not yet been translated.
Cor hominis immutat faciem illius, sive in bona, sive in mala.
This passage has not yet been translated.
Vestigium cordis boni et faciem bonam difficile invenies, et cum labore.
This passage has not yet been translated.