Sirach · 21
Verses
⋯
Fili, peccasti, non adjicias iterum : sed et de pristinis deprecare, ut tibi dimittantur.
This passage has not yet been translated.
Quasi a facie colubri fuge peccata : et si accesseris ad illa, suscipient te.
This passage has not yet been translated.
Dentes leonis dentes ejus, interficientes animas hominum.
This passage has not yet been translated.
Quasi rhomphæa bis acuta omnis iniquitas : plagæ illius non est sanitas.
This passage has not yet been translated.
Objurgatio et injuriæ annullabunt substantiam, et domus quæ nimis locuples est annullabitur superbia : sic substantia superbi eradicabitur.
This passage has not yet been translated.
Deprecatio pauperis ex ore usque ad aures ejus perveniet, et judicium festinato adveniet illi.
This passage has not yet been translated.
Qui odit correptionem vestigium est peccatoris, et qui timet Deum convertetur ad cor suum.
This passage has not yet been translated.
Notus a longe potens lingua audaci, et sensatus scit labi se ab ipso.
This passage has not yet been translated.
Qui ædificat domum suam impendiis alienis, quasi qui colligit lapides suos in hieme.
This passage has not yet been translated.
Stupa collecta synagoga peccantium, et consummatio illorum flamma ignis.
This passage has not yet been translated.
Via peccatorum complanata lapidibus : et in fine illorum inferi, et tenebræ, et pœnæ.
This passage has not yet been translated.
Qui custodit justitiam, continebit sensum ejus.
This passage has not yet been translated.
Consummatio timoris Dei, sapientia et sensus.
This passage has not yet been translated.
Non erudietur qui non est sapiens in bono.
This passage has not yet been translated.
Est autem sapientia quæ abundat in malo, et non est sensus ubi est amaritudo.
This passage has not yet been translated.
Scientia sapientis tamquam inundatio abundabit, et consilium illius sicut fons vitæ permanet.
This passage has not yet been translated.
Cor fatui quasi vas confractum, et omnem sapientiam non tenebit.
This passage has not yet been translated.
Verbum sapiens quodcumque audierit scius, laudabit, et ad se adjiciet : audivit luxuriosus, et displicebit illi, et projiciet illud post dorsum suum.
This passage has not yet been translated.
Narratio fatui quasi sarcina in via : nam in labiis sensati invenietur gratia.
This passage has not yet been translated.
Os prudentis quæritur in ecclesia, et verba illius cogitabunt in cordibus suis.
This passage has not yet been translated.
Tamquam domus exterminata, sic fatuo sapientia : et scientia insensati inenarrabilia verba.
This passage has not yet been translated.
Compedes in pedibus, stulto doctrina : et quasi vincula manuum super manum dextram.
This passage has not yet been translated.
Fatuus in risu exaltat vocem suam : vir autem sapiens vix tacite ridebit.
This passage has not yet been translated.
Ornamentum aureum prudenti doctrina, et quasi brachiale in brachio dextro.
This passage has not yet been translated.
Pes fatui facilis in domum proximi : et homo peritus confundetur a persona potentis.
This passage has not yet been translated.
Stultus a fenestra respiciet in domum : vir autem eruditus foris stabit.
This passage has not yet been translated.
Stultitia hominis auscultare per ostium : et prudens gravabitur contumelia.
This passage has not yet been translated.
Labia imprudentium stulta narrabunt ; verba autem prudentium statera ponderabuntur.
This passage has not yet been translated.
In ore fatuorum cor illorum, et in corde sapientium os illorum.
This passage has not yet been translated.
Dum maledicit impius diabolum, maledicit ipse animam suam.
This passage has not yet been translated.
Susurro coinquinabit animam suam, et in omnibus odietur, et qui cum eo manserit odiosus erit : tacitus et sensatus honorabitur.
This passage has not yet been translated.