Zacharia · 5
Verzen
⋯
Et conversus sum, et levavi oculos meos, et vidi, et ecce volumen volans.
Deze passage is nog niet vertaald.
Et dixit ad me : Quid tu vides ? Et dixi : Ego video volumen volans : longitudo ejus viginti cubitorum, et latitudo ejus decem cubitorum.
Deze passage is nog niet vertaald.
Et dixit ad me : Hæc est maledictio quæ egreditur super faciem omnis terræ : quia omnis fur, sicut ibi scriptum est, judicabitur, et omnis jurans ex hoc similiter judicabitur.
Deze passage is nog niet vertaald.
Educam illud, dicit Dominus exercituum : et veniet ad domum furis, et ad domum jurantis in nomine meo mendaciter : et commorabitur in medio domus ejus, et consumet eam, et ligna ejus, et lapides ejus.
Deze passage is nog niet vertaald.
Et egressus est angelus qui loquebatur in me, et dixit ad me : Leva oculos tuos, et vide quid est hoc quod egreditur.
Deze passage is nog niet vertaald.
Et dixi : Quidnam est ? Et ait : Hæc est amphora egrediens. Et dixit : Hæc est oculus eorum in universa terra.
Deze passage is nog niet vertaald.
Et ecce talentum plumbi portabatur, et ecce mulier una sedens in medio amphoræ.
Deze passage is nog niet vertaald.
Et dixit : Hæc est impietas. Et projecit eam in medio amphoræ, et misit massam plumbeam in os ejus.
Deze passage is nog niet vertaald.
Et levavi oculos meos, et vidi : et ecce duæ mulieres egredientes : et spiritus in alis earum, et habebant alas quasi alas milvi, et levaverunt amphoram inter terram et cælum.
Deze passage is nog niet vertaald.
Et dixi ad angelum qui loquebatur in me : Quo istæ deferunt amphoram ?
Deze passage is nog niet vertaald.
Et dixit ad me : Ut ædificetur ei domus in terra Sennaar, et stabiliatur, et ponatur ibi super basem suam.
Deze passage is nog niet vertaald.