Common of Several Confessors, not Bishops

Confiteantur tibi, Domine, omnia opera tua, et sancti tui benedicant tibi: gloriam regni tui dicent, et potentiam tuam loquentur.

Ps. Exaltabo te, Deus meus Rex: et benedicam nomini tuo in sæculum, et in sæculum sæculi.

Glória Patri, et Fílio, et Spirítui Sancto. Sicut erat in princípio, et nunc, et semper, et in sǽcula sæculórum. ℟. Amen.

Glory be to the Father, and to the Son, and to the Holy Spirit. As it was in the beginning, is now, and ever shall be, world without end. ℟. Amen.

Confiteantur tibi, Domine, omnia opera tua, et sancti tui benedicant tibi: gloriam regni tui dicent, et potentiam tuam loquentur.

Concede, quæsumus, omnipotens Deus: ut ad meliorem vitam beatorum N. et N. Confessorum tuorum exempla nos provocent; quatenus, quorum memoriam agimus, etiam actus imitemur.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

Amen.

Amen.

Lectio libri Sapientiæ. Metuentes Dominum, sustinete misericordiam eius: et non deflectatis ab illo ne cadatis. Qui timetis Dominum, credite illi: et non evacuabitur merces vestra. Qui timetis Dominum, sperate in illum: et in oblectationem veniet vobis misericordia. Qui timetis Dominum, diligite illum: et illuminabuntur corda vestra. Respicite, filii, nationes hominum: et scitote quia nullus speravit in Domino, et confusus est. Quis enim permansit in mandatis eius, et derelictus est? aut quis invocavit eum, et despexit illum? Quoniam pius et misericors est Deus, et remittet in die tribulationis peccata: et protector est omnibus exquirentibus se in veritate.

Diligite Dominum, omnes sancti eius, quoniam veritatem requiret Dominus, et retribuet abundanter facientibus superbiam. ℣. Viriliter agite, et confortetur cor vestrum, omnes qui speratis in Domino.

Alleluia, alleluia. ℣. Sperent in te qui noverunt nomen tuum: quoniam non dereliquisti quærentes te, Domine. Alleluia.

Alleluia, alleluia. ℣. Sperent in te qui noverunt nomen tuum: quoniam non dereliquisti quærentes te, Domine. Alleluia. ℣. Iusti confitebuntur nomini tuo, Domine: et habitabunt recti cum vultu tuo. Alleluia.

Gustate, et videte quoniam suavis est Dominus: beatus vir, qui sperat in eo. ℣. Timete Dominum, omnes sancti eius: quoniam non est inopia timentibus eum. ℣. Divites eguerunt et esurierunt: inquirentes autem Dominum non minuentur omni bono.

Sequéntia † sancti Evangélii secúndum Lucam In illo témpore: Dixit Jesus discípulis suis: Sint lumbi vestri præcíncti, et lucernæ ardéntes in mánibus vestris, et vos símiles homínibus exspectántibus dóminum suum, quando revertátur a núptiis: ut, cum vénerit et pulsáverit, conféstim apériant ei. Beáti servi illi, quos, cum vénerit dóminus, invénerit vigilántes: amen, dico vobis, quod præcínget se, et fáciet illos discúmbere, et tránsiens ministrábit illis. Et si vénerit in secúnda vigília, et si in tértia vigília vénerit, et ita invénerit, beáti sunt servi illi. Hoc autem scitóte, quóniam, si sciret paterfamílias, qua hora fur veníret, vigiláret útique, et non síneret pérfodi domum suam. Et vos estóte paráti, quia, qua hora non putátis, Fílius hóminis véniet.

Iusti epulentur, et exsultent in conspectu Dei, et delectentur in lætitia. (T. P. Alleluia.)

Hostias ad altare tuum offerentibus, Domine, da nobis illum pietatis affectum, quem beatis N. et N. Confessoribus tuis infudisti: ut pura mente ac fervido corde rei sacræ attendamus, et sacrificium tibi placitum nobisque proficuum immolemus.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

Amen.

Amen.

Beati servi illi, quos, cum venerit Dominus, invenerit vigilantes: amen dico vobis, quod præcinget se, et faciet illos discumbere, et transiens ministrabit illis. (T. P. Alleluia.)

Tribuat nobis, omnipotens Deus, suffragantibus beatorum N. et N. Confessorum tuorum precibus, refectio sacra subsidium: ut et castitatis munditiam observemus in corpore et lumen veritatis exhibeamus in opere.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus, per ómnia sǽcula sæculórum.

Through our Lord Jesus Christ, your Son, who lives and reigns with you in the unity of the Holy Spirit, God, for ever and ever.

Amen.

Amen.