1 Corinthians · 3
Verses
⋯
Et ego, fratres, non potui vobis loqui quasi spiritualibus, sed quasi carnalibus. Tamquam parvulis in Christo,
This passage has not yet been translated.
lac vobis potum dedi, non escam : nondum enim poteratis : sed nec nunc quidem potestis : adhuc enim carnales estis.
This passage has not yet been translated.
Cum enim sit inter vos zelus, et contentio : nonne carnales estis, et secundum hominem ambulatis ?
This passage has not yet been translated.
Cum enim quis dicat : Ego quidem sum Pauli ; alius autem : Ego Apollo : nonne homines estis ?
Quid igitur est Apollo ? quid vero Paulus ?
This passage has not yet been translated.
ministri ejus, cui credidistis, et unicuique sicut Dominus dedit.
This passage has not yet been translated.
Ego plantavi, Apollo rigavit : sed Deus incrementum dedit.
This passage has not yet been translated.
Itaque neque qui plantat est aliquid, neque qui rigat : sed qui incrementum dat, Deus.
This passage has not yet been translated.
Qui autem plantat, et qui rigat, unum sunt. Unusquisque autem propriam mercedem accipiet, secundum suum laborem.
This passage has not yet been translated.
Dei enim sumus adjutores : Dei agricultura estis, Dei ædificatio estis.
This passage has not yet been translated.
Secundum gratiam Dei, quæ data est mihi, ut sapiens architectus fundamentum posui : alius autem superædificat. Unusquisque autem videat quomodo superædificet.
This passage has not yet been translated.
Fundamentum enim aliud nemo potest ponere præter id quod positum est, quod est Christus Jesus.
This passage has not yet been translated.
Si quis autem superædificat super fundamentum hoc, aurum, argentum, lapides pretiosos, ligna, fœnum, stipulam,
This passage has not yet been translated.
uniuscujusque opus manifestum erit : dies enim Domini declarabit, quia in igne revelabitur : et uniuscujusque opus quale sit, ignis probabit.
This passage has not yet been translated.
Si cujus opus manserit quod superædificavit, mercedem accipiet.
This passage has not yet been translated.
Si cujus opus arserit, detrimentum patietur : ipse autem salvus erit, sic tamen quasi per ignem.
This passage has not yet been translated.
Nescitis quia templum Dei estis, et Spiritus Dei habitat in vobis ?
This passage has not yet been translated.
Si quis autem templum Dei violaverit, disperdet illum Deus. Templum enim Dei sanctum est, quod estis vos.
This passage has not yet been translated.
Nemo se seducat : si quis videtur inter vos sapiens esse in hoc sæculo, stultus fiat ut sit sapiens.
This passage has not yet been translated.
Sapientia enim hujus mundi, stultitia est apud Deum. Scriptum est enim : Comprehendam sapientes in astutia eorum.
This passage has not yet been translated.
Et iterum : Dominus novit cogitationes sapientium quoniam vanæ sunt.
This passage has not yet been translated.
Nemo itaque glorietur in hominibus.
This passage has not yet been translated.
Omnia enim vestra sunt, sive Paulus, sive Apollo, sive Cephas, sive mundus, sive vita, sive mors, sive præsentia, sive futura : omnia enim vestra sunt :
This passage has not yet been translated.
vos autem Christi : Christus autem Dei.
This passage has not yet been translated.