Exodus · 25
Verses
⋯
Locutusque est Dominus ad Moysen, dicens :
This passage has not yet been translated.
Loquere filiis Israël, ut tollant mihi primitias : ab omni homine qui offeret ultroneus, accipietis eas.
This passage has not yet been translated.
Hæc sunt autem quæ accipere debeatis : aurum, et argentum, et æs,
This passage has not yet been translated.
hyacinthum et purpuram, coccumque bis tinctum, et byssum, pilos caprarum,
This passage has not yet been translated.
et pelles arietum rubricatas, pellesque janthinas, et ligna setim :
This passage has not yet been translated.
oleum ad luminaria concinnanda : aromata in unguentum, et thymiamata boni odoris :
This passage has not yet been translated.
lapides onychinos, et gemmas ad ornandum ephod, ac rationale.
This passage has not yet been translated.
Facientque mihi sanctuarium, et habitabo in medio eorum :
This passage has not yet been translated.
juxta omnem similitudinem tabernaculi quod ostendam tibi, et omnium vasorum in cultum ejus.
Sicque facietis illud :
This passage has not yet been translated.
arcam de lignis setim compingite, cujus longitudo habeat duos et semis cubitos : latitudo, cubitum et dimidium : altitudo, cubitum similiter ac semissem.
This passage has not yet been translated.
Et deaurabis eam auro mundissimo intus et foris : faciesque supra, coronam auream per circuitum :
This passage has not yet been translated.
et quatuor circulos aureos, quos pones per quatuor arcæ angulos : duo circuli sint in latere uno, et duo in altero.
This passage has not yet been translated.
Facies quoque vectes de lignis setim, et operies eos auro.
This passage has not yet been translated.
Inducesque per circulos qui sunt in arcæ lateribus, ut portetur in eis :
This passage has not yet been translated.
qui semper erunt in circulis, nec umquam extrahentur ab eis.
This passage has not yet been translated.
Ponesque in arca testificationem quam dabo tibi.
This passage has not yet been translated.
Facies et propitiatorium de auro mundissimo : duos cubitos et dimidium tenebit longitudo ejus, et cubitum ac semissem latitudo.
This passage has not yet been translated.
Duos quoque cherubim aureos et productiles facies, ex utraque parte oraculi.
This passage has not yet been translated.
Cherub unus sit in latere uno, et alter in altero.
This passage has not yet been translated.
Utrumque latus propitiatorii tegant expandentes alas, et operientes oraculum, respiciantque se mutuo versis vultibus in propitiatorium quo operienda est arca,
This passage has not yet been translated.
in qua pones testimonium quod dabo tibi.
This passage has not yet been translated.
Inde præcipiam, et loquar ad te supra propitiatorium, ac de medio duorum cherubim, qui erunt super arcam testimonii, cuncta quæ mandabo per te filiis Israël.
This passage has not yet been translated.
Facies et mensam de lignis setim, habentem duos cubitos longitudinis, et in latitudine cubitum, et in altitudine cubitum et semissem.
This passage has not yet been translated.
Et inaurabis eam auro purissimo : faciesque illi labium aureum per circuitum,
This passage has not yet been translated.
et ipsi labio coronam interrasilem altam quatuor digitis : et super illam, alteram coronam aureolam.
This passage has not yet been translated.
Quatuor quoque circulos aureos præparabis, et pones eis in quatuor angulis ejusdem mensæ per singulos pedes.
This passage has not yet been translated.
Subter coronam erunt circuli aurei, ut mittantur vectes per eos, et possit mensa portari.
This passage has not yet been translated.
Ipsos quoque vectes facies de lignis setim, et circumdabis auro ad subvehendam mensam.
This passage has not yet been translated.
Parabis et acetabula, ac phialas, thuribula, et cyathos, in quibus offerenda sunt libamina, ex auro purissimo.
This passage has not yet been translated.
Et pones super mensam panes propositionis in conspectu meo semper.
This passage has not yet been translated.
Facies et candelabrum ductile de auro mundissimo, hastile ejus, et calamos, scyphos, et sphærulas, ac lilia ex ipso procedentia.
This passage has not yet been translated.
Sex calami egredientur de lateribus, tres ex uno latere, et tres ex altero.
This passage has not yet been translated.
Tres scyphi quasi in nucis modum per calamos singulos, sphærulaque simul, et lilium : et tres similiter scyphi instar nucis in calamo altero, sphærulaque simul et lilium. Hoc erit opus sex calamorum, qui producendi sunt de hastili :
This passage has not yet been translated.
in ipso autem candelabro erunt quatuor scyphi in nucis modum, sphærulæque per singulos, et lilia.
This passage has not yet been translated.
Sphærulæ sub duobus calamis per tria loca, qui simul sex fiunt procedentes de hastili uno.
This passage has not yet been translated.
Et sphærulæ igitur et calami ex ipso erunt, universa ductilia de auro purissimo.
This passage has not yet been translated.
Facies et lucernas septem, et pones eas super candelabrum, ut luceant ex adverso.
This passage has not yet been translated.
Emunctoria quoque, et ubi quæ emuncta sunt extinguantur, fiant de auro purissimo.
This passage has not yet been translated.
Omne pondus candelabri cum universis vasis suis habebit talentum auri purissimi.
This passage has not yet been translated.
Inspice, et fac secundum exemplar quod tibi in monte monstratum est.
This passage has not yet been translated.