Exodus · 34
Verses
⋯
Ac deinceps : Præcide, ait, tibi duas tabulas lapideas instar priorum, et scribam super eas verba, quæ habuerunt tabulæ quas fregisti.
This passage has not yet been translated.
Esto paratus mane, ut ascendas statim in montem Sinai, stabisque mecum super verticem montis.
This passage has not yet been translated.
Nullus ascendat tecum, nec videatur quispiam per totum montem : boves quoque et oves non pascantur e contra.
This passage has not yet been translated.
Excidit ergo duas tabulas lapideas, quales antea fuerant : et de nocte consurgens ascendit in montem Sinai, sicut præceperat ei Dominus, portans secum tabulas.
This passage has not yet been translated.
Cumque descendisset Dominus per nubem, stetit Moyses cum eo, invocans nomen Domini.
This passage has not yet been translated.
Quo transeunte coram eo, ait : Dominator Domine Deus, misericors et clemens, patiens et multæ miserationis, ac verax,
This passage has not yet been translated.
qui custodis misericordiam in millia ; qui aufers iniquitatem, et scelera, atque peccata, nullusque apud te per se innocens est ; qui reddis iniquitatem patrum filiis, ac nepotibus in tertiam et quartam progeniem.
This passage has not yet been translated.
Festinusque Moyses, curvatus est pronus in terram, et adorans
This passage has not yet been translated.
ait : Si inveni gratiam in conspectu tuo, Domine, obsecro ut gradiaris nobiscum (populus enim duræ cervicis est) et auferas iniquitates nostras atque peccata, nosque possideas.
This passage has not yet been translated.
Respondit Dominus : Ego inibo pactum videntibus cunctis : signa faciam quæ numquam visa sunt super terram, nec in ullis gentibus, ut cernat populus iste, in cujus es medio, opus Domini terribile quod facturus sum.
This passage has not yet been translated.
Observa cuncta quæ hodie mando tibi : ego ipse ejiciam ante faciem tuam Amorrhæum, et Chananæum, et Hethæum, Pherezæum quoque, et Hevæum, et Jebusæum.
This passage has not yet been translated.
Cave ne umquam cum habitatoribus terræ illius jungas amicitias, quæ sint tibi in ruinam :
This passage has not yet been translated.
sed aras eorum destrue, confringe statuas, lucosque succide :
This passage has not yet been translated.
noli adorare deum alienum. Dominus zelotes nomen ejus ; Deus est æmulator.
This passage has not yet been translated.
Ne ineas pactum cum hominibus illarum regionum : ne, cum fornicati fuerint cum diis suis, et adoraverint simulacra eorum, vocet te quispiam ut comedas de immolatis.
This passage has not yet been translated.
Nec uxorem de filiabus eorum accipies filiis tuis : ne, postquam ipsæ fuerint fornicatæ, fornicari faciant et filios tuos in deos suos.
This passage has not yet been translated.
Deos conflatiles non facies tibi.
This passage has not yet been translated.
Solemnitatem azymorum custodies. Septem diebus vesceris azymis, sicut præcepi tibi, in tempore mensis novorum : mense enim verni temporis egressus es de Ægypto.
This passage has not yet been translated.
Omne quod aperit vulvam generis masculini, meum erit. De cunctis animantibus, tam de bobus, quam de ovibus, meum erit.
This passage has not yet been translated.
Primogenitum asini redimes ove : sin autem nec pretium pro eo dederis, occidetur. Primogenitum filiorum tuorum redimes : nec apparebis in conspectu meo vacuus.
This passage has not yet been translated.
Sex diebus operaberis ; die septimo cessabis arare et metere.
This passage has not yet been translated.
Solemnitatem hebdomadarum facies tibi in primitiis frugum messis tuæ triticeæ, et solemnitatem, quando redeunte anni tempore cuncta conduntur.
This passage has not yet been translated.
Tribus temporibus anni apparebit omne masculinum tuum in conspectu omnipotentis Domini Dei Israël.
This passage has not yet been translated.
Cum enim tulero gentes a facie tua, et dilatavero terminos tuos, nullus insidiabitur terræ tuæ, ascendente te, et apparente in conspectu Domini Dei tui ter in anno.
This passage has not yet been translated.
Non immolabis super fermento sanguinem hostiæ meæ : neque residebit mane de victima solemnitatis Phase.
This passage has not yet been translated.
Primitias frugum terræ tuæ offeres in domo Domini Dei tui. Non coques hædum in lacte matris suæ.
This passage has not yet been translated.
Dixitque Dominus ad Moysen : Scribe tibi verba hæc, quibus et tecum et cum Israël pepigi fœdus.
This passage has not yet been translated.
Fuit ergo ibi cum Domino quadraginta dies et quadraginta noctes : panem non comedit, et aquam non bibit, et scripsit in tabulis verba fœderis decem.
This passage has not yet been translated.
Cumque descenderet Moyses de monte Sinai, tenebat duas tabulas testimonii, et ignorabat quod cornuta esset facies sua ex consortio sermonis Domini.
This passage has not yet been translated.
Videntes autem Aaron et filii Israël cornutam Moysi faciem, timuerunt prope accedere.
This passage has not yet been translated.
Vocatique ab eo, reversi sunt tam Aaron, quam principes synagogæ. Et postquam locutus est ad eos,
This passage has not yet been translated.
venerunt ad eum etiam omnes filii Israël : quibus præcepit cuncta quæ audierat a Domino in monte Sinai.
This passage has not yet been translated.
Impletisque sermonibus, posuit velamen super faciem suam.
This passage has not yet been translated.
Quod ingressus ad Dominum, et loquens cum eo, auferebat donec exiret, et tunc loquebatur ad filios Israël omnia quæ sibi fuerant imperata.
This passage has not yet been translated.
Qui videbant faciem egredientis Moysi esse cornutam, sed operiebat ille rursus faciem suam, siquando loquebatur ad eos.
This passage has not yet been translated.