Genesis · 42
Verses
⋯
Audiens autem Jacob quod alimenta venderentur in Ægypto, dixit filiis suis : Quare negligitis ?
This passage has not yet been translated.
audivi quod triticum venundetur in Ægypto : descendite, et emite nobis necessaria, ut possimus vivere, et non consumamur inopia.
This passage has not yet been translated.
Descendentes igitur fratres Joseph decem, ut emerent frumenta in Ægypto,
This passage has not yet been translated.
Benjamin domi retento a Jacob, qui dixerat fratribus ejus : Ne forte in itinere quidquam patiatur mali :
This passage has not yet been translated.
ingressi sunt terram Ægypti cum aliis qui pergebant ad emendum. Erat autem fames in terra Chanaan.
This passage has not yet been translated.
Et Joseph erat princeps in terra Ægypti, atque ad ejus nutum frumenta populis vendebantur. Cumque adorassent eum fratres sui,
This passage has not yet been translated.
et agnovisset eos, quasi ad alienos durius loquebatur, interrogans eos : Unde venistis ? Qui responderunt : De terra Chanaan, ut emamus victui necessaria.
This passage has not yet been translated.
Et tamen fratres ipse cognoscens, non est cognitus ab eis.
This passage has not yet been translated.
Recordatusque somniorum, quæ aliquando viderat, ait ad eos : Exploratores estis : ut videatis infirmiora terræ venistis.
This passage has not yet been translated.
Qui dixerunt : Non est ita, domine, sed servi tui venerunt ut emerent cibos.
This passage has not yet been translated.
Omnes filii unius viri sumus : pacifici venimus, nec quidquam famuli tui machinantur mali.
This passage has not yet been translated.
Quibus ille respondit : Aliter est : immunita terræ hujus considerare venistis.
This passage has not yet been translated.
At illi : Duodecim, inquiunt, servi tui, fratres sumus, filii viri unius in terra Chanaan : minimus cum patre nostro est, alius non est super.
This passage has not yet been translated.
Hoc est, ait, quod locutus sum : exploratores estis.
This passage has not yet been translated.
Jam nunc experimentum vestri capiam : per salutem Pharaonis non egrediemini hinc, donec veniat frater vester minimus.
This passage has not yet been translated.
Mittite ex vobis unum, et adducat eum : vos autem eritis in vinculis, donec probentur quæ dixistis utrum vera an falsa sint : alioquin per salutem Pharaonis exploratores estis.
This passage has not yet been translated.
Tradidit ergo illos custodiæ tribus diebus.
This passage has not yet been translated.
Die autem tertio eductis de carcere, ait : Facite quæ dixi, et vivetis : Deum enim timeo.
This passage has not yet been translated.
Si pacifici estis, frater vester unus ligetur in carcere : vos autem abite, et ferte frumenta quæ emistis, in domos vestras,
This passage has not yet been translated.
et fratrem vestrum minimum ad me adducite, ut possim vestros probare sermones, et non moriamini. Fecerunt ut dixerat,
This passage has not yet been translated.
et locuti sunt ad invicem : Merito hæc patimur, quia peccavimus in fratrem nostrum, videntes angustiam animæ illius, dum deprecaretur nos, et non audivimus : idcirco venit super nos ista tribulatio.
This passage has not yet been translated.
E quibus unus Ruben, ait : Numquid non dixi vobis : Nolite peccare in puerum : et non audistis me ? en sanguis ejus exquiritur.
This passage has not yet been translated.
Nesciebant autem quod intelligeret Joseph, eo quod per interpretem loqueretur ad eos.
This passage has not yet been translated.
Avertitque se parumper, et flevit : et reversus locutus est ad eos.
This passage has not yet been translated.
Tollensque Simeon, et ligans illis præsentibus, jussit ministris ut implerent eorum saccos tritico, et reponerent pecunias singulorum in sacculis suis, datis supra cibariis in viam : qui fecerunt ita.
This passage has not yet been translated.
At illi portantes frumenta in asinis suis, profecti sunt.
This passage has not yet been translated.
Apertoque unus sacco, ut daret jumento pabulum in diversorio, contemplatus pecuniam in ore sacculi,
This passage has not yet been translated.
dixit fratribus suis : Reddita est mihi pecunia, en habetur in sacco. Et obstupefacti, turbatique, mutuo dixerunt : Quidnam est hoc quod fecit nobis Deus ?
This passage has not yet been translated.
Veneruntque ad Jacob patrem suum in terram Chanaan, et narraverunt ei omnia quæ accidissent sibi, dicentes :
This passage has not yet been translated.
Locutus est nobis dominus terræ dure, et putavit nos exploratores esse provinciæ.
This passage has not yet been translated.
Cui respondimus : Pacifici sumus, nec ullas molimur insidias.
This passage has not yet been translated.
Duodecim fratres uno patre geniti sumus : unus non est super, minimus cum patre nostro est in terra Chanaan.
This passage has not yet been translated.
Qui ait nobis : Sic probabo quod pacifici sitis : fratrem vestrum unum dimittite apud me, et cibaria domibus vestris necessaria sumite, et abite,
This passage has not yet been translated.
fratremque vestrum minimum adducite ad me, ut sciam quod non sitis exploratores : et istum, qui tenetur in vinculis, recipere possitis : ac deinceps quæ vultis, emendi habeatis licentiam.
This passage has not yet been translated.
His dictis, cum frumenta effunderent, singuli repererunt in ore saccorum ligatas pecunias, exterritisque simul omnibus,
This passage has not yet been translated.
dixit pater Jacob : Absque liberis me esse fecistis : Joseph non est super, Simeon tenetur in vinculis, et Benjamin auferetis : in me hæc omnia mala reciderunt.
This passage has not yet been translated.
Cui respondit Ruben : Duos filios meos interfice, si non reduxero illum tibi : trade illum in manu mea, et ego eum tibi restituam.
This passage has not yet been translated.
At ille : Non descendet, inquit, filius meus vobiscum : frater ejus mortuus est, et ipse solus remansit : si quid ei adversi acciderit in terra ad quam pergitis, deducetis canos meos cum dolore ad inferos.
This passage has not yet been translated.