Judith · 4
Verses
⋯
Tunc audientes hæc filii Israël qui habitabant in terra Juda, timuerunt valde a facie ejus.
This passage has not yet been translated.
Tremor et horror invasit sensus eorum, ne hoc faceret Jerusalem et templo Domini, quod fecerat ceteris civitatibus et templis earum.
This passage has not yet been translated.
Et miserunt in omnem Samariam per circuitum usque Jericho, et præoccupaverunt omnes vertices montium :
This passage has not yet been translated.
et muris circumdederunt vicos suos, et congregaverunt frumenta in præparationem pugnæ.
This passage has not yet been translated.
Sacerdos etiam Eliachim scripsit ad universos qui erant contra Esdrelon, quæ est contra faciem campi magni juxta Dothain, et universos per quos viæ transitus esse poterat,
This passage has not yet been translated.
ut obtinerent ascensus montium, per quos via esse poterat ad Jerusalem, et illic custodirent ubi angustum iter esse poterat inter montes.
This passage has not yet been translated.
Et fecerunt filii Israël secundum quod constituerat eis sacerdos Domini Eliachim.
This passage has not yet been translated.
Et clamavit omnis populus ad Dominum instantia magna, et humiliaverunt animas suas in jejuniis et orationibus, ipsi et mulieres eorum.
This passage has not yet been translated.
Et induerunt se sacerdotes ciliciis, et infantes prostraverunt contra faciem templi Domini, et altare Domini operuerunt cilicio :
This passage has not yet been translated.
et clamaverunt ad Dominum Deum Israël unanimiter ne darentur in prædam infantes eorum, et uxores eorum in divisionem, et civitates eorum in exterminium, et sancta eorum in pollutionem, et fierent opprobrium gentibus.
This passage has not yet been translated.
Tunc Eliachim sacerdos Domini magnus circuivit omnem Israël, allocutusque est eos,
This passage has not yet been translated.
dicens : Scitote quoniam exaudiet Dominus preces vestras, si manentes permanseritis in jejuniis et orationibus in conspectu Domini.
This passage has not yet been translated.
Memores estote Moysi servi Domini, qui Amalec confidentem in virtute sua, et in potentia sua, et in exercitu suo, et in clypeis suis, et in curribus suis, et in equitibus suis, non ferro pugnando, sed precibus sanctis orando dejecit :
This passage has not yet been translated.
sic erunt universi hostes Israël, si perseveraveritis in hoc opere quod cœpistis.
This passage has not yet been translated.
Ad hanc igitur exhortationem ejus deprecantes Dominum, permanebant in conspectu Domini,
This passage has not yet been translated.
ita ut etiam hi qui offerebant Domino holocausta, præcincti ciliciis offerrent sacrificia Domino, et erat cinis super capita eorum.
This passage has not yet been translated.
Et ex toto corde suo omnes orabant Deum, ut visitaret populum suum Israël.
This passage has not yet been translated.