Judith · 8
Verses
⋯
Et factum est cum audisset hæc verba Judith vidua, quæ erat filia Merari filii Idox filii Joseph filii Oziæ filii Elai filii Jamnor filii Gedeon filii Raphaim filii Achitob filii Melchiæ filii Enan filii Nathaniæ filii Salathiel filii Simeon filii Ruben,
This passage has not yet been translated.
et vir ejus fuit Manasses, qui mortuus est in diebus messis hordeaceæ :
This passage has not yet been translated.
instabat enim super alligantes manipulos in campo, et venit æstus super caput ejus, et mortuus est in Bethulia civitate sua, et sepultus est illic cum patribus suis.
This passage has not yet been translated.
Erat autem Judith relicta ejus vidua jam annis tribus et mensibus sex.
This passage has not yet been translated.
Et in superioribus domus suæ fecit sibi secretum cubiculum, in quo cum puellis suis clausa morabatur,
This passage has not yet been translated.
et habens super lumbos suos cilicium, jejunabat omnibus diebus vitæ suæ, præter sabbata et neomenias et festa domus Israël.
This passage has not yet been translated.
Erat autem eleganti aspectu nimis, cui vir suus reliquerat divitias multas, et familiam copiosam, ac possessiones armentis boum, et gregibus ovium plenas.
This passage has not yet been translated.
Et erat hæc in omnibus famosissima, quoniam timebat Dominum valde, nec erat qui loqueretur de illa verbum malum.
This passage has not yet been translated.
Hæc itaque cum audisset quoniam Ozias promisisset quod transacto quinto die traderet civitatem, misit ad presbyteros Chabri et Charmi.
This passage has not yet been translated.
Et venerunt ad illam, et dixit illis : Quod est hoc verbum, in quo consensit Ozias, ut tradat civitatem Assyriis si intra quinque dies non venerit vobis adjutorium ?
This passage has not yet been translated.
et qui estis vos, qui tentatis Dominum ?
This passage has not yet been translated.
non est iste sermo qui misericordiam provocet, sed potius qui iram excitet, et furorem accendat.
This passage has not yet been translated.
Posuistis vos tempus miserationis Domini, et in arbitrium vestrum, diem constituistis ei.
This passage has not yet been translated.
Sed quia patiens Dominus est, in hoc ipso pœniteamus, et indulgentiam ejus fusis lacrimis postulemus :
This passage has not yet been translated.
non enim quasi homo sic Deus comminabitur, neque sicut filius hominis ad iracundiam inflammabitur.
This passage has not yet been translated.
Et ideo humiliemus illi animas nostras, et in spiritu constituti humiliato, servientes illi
This passage has not yet been translated.
dicamus flentes Domino, ut secundum voluntatem suam sic faciat nobiscum misericordiam suam : ut sicut conturbatum est cor nostrum in superbia eorum, ita etiam de nostra humilitate gloriemur :
This passage has not yet been translated.
quoniam non sumus secuti peccata patrum nostrorum, qui dereliquerunt Deum suum, et adoraverunt deos alienos,
This passage has not yet been translated.
pro quo scelere dati sunt in gladium, et in rapinam, et in confusionem inimicis suis : nos autem alterum deum nescimus præter ipsum.
This passage has not yet been translated.
Expectemus humiles consolationem ejus, et exquiret sanguinem nostrum de afflictionibus inimicorum nostrorum, et humiliabit omnes gentes, quæcumque insurgunt contra nos, et faciet illas sine honore Dominus Deus noster.
This passage has not yet been translated.
Et nunc fratres, quoniam vos estis presbyteri in populo Dei, et ex vobis pendet anima illorum, ad eloquium vestrum corda eorum erigite, ut memores sint quia tentati sunt patres nostri, ut probarentur si vere colerent Deum suum.
This passage has not yet been translated.
Memores esse debent quomodo pater noster Abraham tentatus est, et per multas tribulationes probatus, Dei amicus effectus est.
This passage has not yet been translated.
Sic Isaac, sic Jacob, sic Moyses, et omnes qui placuerunt Deo, per multas tribulationes transierunt fideles.
This passage has not yet been translated.
Illi autem qui tentationes non susceperunt cum timore Domini, et impatientiam suam et improperium murmurationis suæ contra Dominum protulerunt,
This passage has not yet been translated.
exterminati sunt ab exterminatore, et a serpentibus perierunt.
This passage has not yet been translated.
Et nos ergo non ulciscamur nos pro his quæ patimur,
This passage has not yet been translated.
sed reputantes peccatis nostris hæc ipsa supplicia minora esse flagella Domini, quibus quasi servi corripimur ad emendationem, et non ad perditionem nostram evenisse credamus.
This passage has not yet been translated.
Et dixerunt illi Ozias et presbyteri : Omnia quæ locuta es, vera sunt, et non est in sermonibus tuis ulla reprehensio.
This passage has not yet been translated.
Nunc ergo ora pro nobis, quoniam mulier sancta es, et timens Deum.
This passage has not yet been translated.
Et dixit illis Judith : Sicut quod potui loqui, Dei esse cognoscitis,
This passage has not yet been translated.
ita quod facere disposui, probate si ex Deo est, et orate ut firmum faciat Deus consilium meum.
This passage has not yet been translated.
Stabitis vos ad portam nocte ista, et ego exeam cum abra mea : et orate, ut sicut dixistis, in diebus quinque respiciat Dominus populum suum Israël.
This passage has not yet been translated.
Vos autem nolo ut scrutemini actum meum, et usque dum renuntiem vobis, nihil aliud fiat, nisi oratio pro me ad Dominum Deum nostrum.
This passage has not yet been translated.
Et dixit ad eam Ozias princeps Juda : Vade in pace, et Dominus sit tecum in ultionem inimicorum nostrorum. Et revertentes abierunt.
This passage has not yet been translated.