Job · 11
Verses
⋯
Respondens autem Sophar Naamathites, dixit :
This passage has not yet been translated.
Numquid qui multa loquitur, non et audiet ? aut vir verbosus justificabitur ?
This passage has not yet been translated.
Tibi soli tacebunt homines ? et cum ceteros irriseris, a nullo confutaberis ?
This passage has not yet been translated.
Dixisti enim : Purus est sermo meus, et mundus sum in conspectu tuo.
This passage has not yet been translated.
Atque utinam Deus loqueretur tecum, et aperiret labia sua tibi,
This passage has not yet been translated.
ut ostenderet tibi secreta sapientiæ, et quod multiplex esset lex ejus : et intelligeres quod multo minora exigaris ab eo quam meretur iniquitas tua !
This passage has not yet been translated.
Forsitan vestigia Dei comprehendes, et usque ad perfectum Omnipotentem reperies ?
This passage has not yet been translated.
Excelsior cælo est, et quid facies ? profundior inferno, et unde cognosces ?
This passage has not yet been translated.
Longior terra mensura ejus, et latior mari.
This passage has not yet been translated.
Si subverterit omnia, vel in unum coarctaverit, quis contradicet ei ?
This passage has not yet been translated.
Ipse enim novit hominum vanitatem ; et videns iniquitatem, nonne considerat ?
This passage has not yet been translated.
Vir vanus in superbiam erigitur, et tamquam pullum onagri se liberum natum putat.
This passage has not yet been translated.
Tu autem firmasti cor tuum, et expandisti ad eum manus tuas.
This passage has not yet been translated.
Si iniquitatem quæ est in manu tua abstuleris a te, et non manserit in tabernaculo tuo injustitia,
This passage has not yet been translated.
tunc levare poteris faciem tuam absque macula ; et eris stabilis, et non timebis.
This passage has not yet been translated.
Miseriæ quoque oblivisceris, et quasi aquarum quæ præterierunt recordaberis.
This passage has not yet been translated.
Et quasi meridianus fulgor consurget tibi ad vesperam ; et cum te consumptum putaveris, orieris ut lucifer.
This passage has not yet been translated.
Et habebis fiduciam, proposita tibi spe : et defossus securus dormies.
This passage has not yet been translated.
Requiesces, et non erit qui te exterreat ; et deprecabuntur faciem tuam plurimi.
This passage has not yet been translated.
Oculi autem impiorum deficient, et effugium peribit ab eis : et spes illorum abominatio animæ.
This passage has not yet been translated.