Zacharia · 3
Verzen
⋯
Et ostendit mihi Dominus Jesum sacerdotem magnum, stantem coram angelo Domini : et Satan stabat a dextris ejus ut adversaretur ei.
Deze passage is nog niet vertaald.
Et dixit Dominus ad Satan : Increpet Dominus in te, Satan ! et increpet Dominus in te, qui elegit Jerusalem ! numquid non iste torris est erutus de igne ?
Deze passage is nog niet vertaald.
Et Jesus erat indutus vestibus sordidis, et stabat ante faciem angeli.
Deze passage is nog niet vertaald.
Qui respondit, et ait ad eos qui stabant coram se, dicens : Auferte vestimenta sordida ab eo. Et dixit ad eum : Ecce abstuli a te iniquitatem tuam, et indui te mutatoriis.
Deze passage is nog niet vertaald.
Et dixit : Ponite cidarim mundam super caput ejus. Et posuerunt cidarim mundam super caput ejus, et induerunt eum vestibus : et angelus Domini stabat.
Deze passage is nog niet vertaald.
Et contestabatur angelus Domini Jesum, dicens :
Deze passage is nog niet vertaald.
Hæc dicit Dominus exercituum : Si in viis meis ambulaveris, et custodiam meam custodieris, tu quoque judicabis domum meam, et custodies atria mea, et dabo tibi ambulantes de his qui nunc hic assistunt.
Deze passage is nog niet vertaald.
Audi, Jesu sacerdos magne, tu et amici tui, qui habitant coram te, quia viri portendentes sunt : ecce enim ego adducam servum meum Orientem.
Deze passage is nog niet vertaald.
Quia ecce lapis quem dedi coram Jesu : super lapidem unum septem oculi sunt : ecce ego cælabo sculpturam ejus, ait Dominus exercituum, et auferam iniquitatem terræ illius in die una.
Deze passage is nog niet vertaald.
In die illa, dicit Dominus exercituum, vocabit vir amicum suum subter vitem et subter ficum.
Deze passage is nog niet vertaald.